മലപ്പുറം: മലപ്പുറത്ത് ശ്രീനാരായണീയര്‍ ഉള്‍പ്പെടെ പിന്നാക്ക വിഭാഗങ്ങള്‍ അനീതി നേരിടുകയാണെന്ന എസ് എന്‍ ഡി പി യോഗം ജനറല്‍ സെക്രട്ടറി വെളളപ്പളളി നടേശന്‍ പറഞ്ഞതിനെ പിന്തുണച്ച് ബി ജെ പി മുന്‍ സംസ്ഥാന അധ്യക്ഷന്‍ കെ സുരേന്ദ്രന്‍.
എസ് എന്‍ ഡി പി യോഗത്തിനെതിരെയും വെളളാപ്പളളിക്കെതിരെയുമുളള മുസ്ലീം ലീഗ് നേതാക്കളുടെ പരാമര്‍ശങ്ങളെയും കെ സുരേന്ദ്രന്‍ വിമര്‍ശിച്ചു.മുസ്ലീംലീഗ് നേതാക്കള്‍ നടത്തിയ പരാമര്‍ശം അപലപനീയമാണ്. വെള്ളാപ്പള്ളി പറഞ്ഞത് മലപ്പുറത്തെ പൊള്ളുന്ന യാഥാര്‍ഥ്യമാണ്.ഇ.ടിയും കുഞ്ഞാലിക്കുട്ടിയും പകോപനപരമായ പ്രസ്താവനകളാണ് നടത്തുന്നത് .്ര്രശീനാരായണ ഗുരുവിന്‍ന്റെ പേര് ഉച്ചരിക്കാന്‍ ലീഗിന് അവകാശമില്ലെന്നും സുരേന്ദ്രന്‍ പറഞ്ഞു.
ലീഗ് മന്ത്രിമാര്‍ വിദ്യാഭ്യാസ വകുപ്പ് കൈകാര്യം ചെയ്തപ്പോള്‍ മറ്റ് സമുദായങ്ങളുടെ സ്ഥാപനങ്ങളെ ഞെരുക്കുന്ന നിലപാടാണ് എടുത്തത്. മലപ്പുറത്ത് നടക്കുന്ന പല കാര്യങ്ങളും മറ്റുള്ള സ്ഥലങ്ങളിലേത് പോലെയല്ല. ഫാസിസ്റ്റ് സമീപനമാണ്. സ്വന്തം അനുഭവത്തില്‍ നിന്നാണിത് പറയുന്നത്. ഒരു പുരോഗമന പാര്‍ട്ടിക്കാരും അതിനെപ്പറ്റി സംസാരിക്കുന്നില്ലെന്നും സുരേന്ദ്രന്‍ കുറ്റപ്പെടുത്തി.
പ്രതികരിക്കാൻ ഇവിടെ എഴുതുക: