കൊച്ചി: പഴയ ദിലീപ് കോമഡി തിരിച്ചെത്തിക്കുന്ന പ്രിന്‍സ് ആന്‍റ് ഫാമിലി എന്ന സിനിമയിലെ ‘ഹാര്‍ട്ട് ബീറ്റ് കൂടണ്’ എന്ന ഗാനം രണ്ടാഴ്ച കൊണ്ട് ഒരു മില്ല്യണ്‍ (പത്ത് ലക്ഷം) ഹിറ്റുകള്‍. ശത്രുക്കള്‍ പലരും ഗാനത്തിനെതിരെ രംഗത്തെത്തിയെങ്കിലും അതിനെയെല്ലാം മറികടന്ന് ഗാനം വമ്പന്‍ ഹിറ്റായിരിക്കുകയാണ്.
ദോഹയിലെ സ്റ്റേജ് ഷോയില്‍ ഊര്‍ജ്ജസ്വലതയോടെ ദിലീപ്
ദിലീപ് എന്ന നടന്‍ എല്ലാ അര്‍ത്ഥത്തിലും ഉയിര്‍ത്തെഴുന്നേല്‍ക്കുകയാണ്. ദിലീപ് ഈയിടെ ദോഹയില്‍ നടത്തിയ സ്റ്റേജ് ഷോയും വന്‍വിജയമായിരുന്നു. 2011ല്‍ പുറത്തിറങ്ങിയ ക്രിസ്ത്യന്‍ ബ്രദേഴ്സ് എന്ന സിനിമയിലെ ‘കര്‍ത്താവേ നീ കല്‍പിച്ചപ്പോള്‍’ എന്ന ഗാനത്തിനാണ് നിഖില വിമല്‍, ഡയാന ഹമീദ് എന്നിവര്‍ക്കൊപ്പം ദിലീപ് സ്റ്റേജില്‍ ഊര്‍ജ്ജസ്വലതയോടെ നൃത്തം ചെയ്തത്.
പ്രിന്‍സ് ആന്‍റ് ഫാമിലി ലിറിക്കല്‍ വീഡിയോ ഹിറ്റ്
‘പ്രിന്‍സ് ആന്‍റ് ഫാമിലി’ എന്ന സിനിമയിലെ പാട്ടിന്റെ വരികളുടെ ലിറിക്കല്‍ വീഡിയോ കഴിഞ്ഞ ദിവസം പുറത്തിറങ്ങി. ദിലീപിനെ നശിപ്പിക്കുക എന്ന ലക്ഷ്യത്തോടെ ഈ പാട്ടിനെതിരെ ചില ലോബികള്‍ സൈബര്‍ ആക്രമണം നടത്തുകയാണ്.
“ഹാര്‍ട്ട് ബീറ്റ് കൂട് ണ്, കണ്ണില്‍ വെട്ടമേറ് ണ്…
എന്തിന് ഞാന്‍ ചുമ്മാതെ പുഞ്ചിരിക്കണ്…
മുന്നിലായൊരാള്‍ വന്ന് മിന്നിനിക്കണ്
കാതിലിതാ മോഹത്തിന്‍ ബാന്‍റ് കൊട്ടണ്
പൊന്നും നൂല് കരളില്‍ നോറ്റ്
മിന്നുംതാലി തന്നോട്ടെ ഞാന്‍
കാലം കാത്ത് നോമ്പെല്ലാം നോറ്റ്
എന്തോരം കാതോര്‍ത്തു ഞാന്‍…
എന്നിങ്ങനെപ്പോകുന്നു വരികള്‍.
അതില്‍ ഒരു ഗ്രൂവ് ഉണ്ട്. “ഓമനത്തിങ്കള്‍ പെണ്‍കൊടിയേ ഓമലായ് നീ മുന്നില്‍ തെളിയേ….”. അത് ഇപ്പോഴേ ജനം ഏറ്റെടുത്തുകഴിഞ്ഞു. നല്ല ബീറ്റിലാണ് പാട്ട് ഒരുക്കിയിരിക്കുന്നത്. പാട്ട് പത്ത് ലക്ഷം പേര്‍ കണ്ട് കഴിഞ്ഞു.
ഒരു ഫാമിലി എന്‍റര്‍ടെയിന്‍മെന്‍റ് മുഴുവന്‍ പാട്ടില്‍ ഒരുക്കിയിട്ടുണ്ട്. ദിലീപിന് കൂട്ടായി കോമഡി കൊഴുപ്പിക്കാന്‍ ബിന്ദുപണിക്കരും ഉണ്ട്. കൂടുതല്‍ സുന്ദരനായ, ഫിറ്റായ, കുറെക്കൂടി പ്രായം കുറഞ്ഞ ദിലീപിനെയാണ് ഇവിടെ കാണുന്നത്.
ചില വാര്‍ത്തസൈറ്റുകളും ഈ പാട്ടിനെതിരെയും ദിലീപിനെതിരെയും വലിയ കടന്നാക്രമണങ്ങളാണ് നടത്തുന്നത്. പ്രിന്‍സ് ആന്‍റ് ഫാമിലിയിലെ പാട്ടിനെക്കുറിച്ച് പറയുന്നതിനേക്കാള്‍ ദിലീപിന്റെ കഴിഞ്ഞ നാല് സിനിമകള്‍ പൊട്ടി എന്നിങ്ങനെ പോകുന്നു വിമര്‍ശനങ്ങള്‍.
രജനീകാന്തിനെപ്പോലെ ദീലിപും…
‘ഹാര്‍ട്ട് ബീറ്റ് കൂടണ്’ എന്ന ഈ ഗാനത്തില്‍ ദിലീപ് എപ്പോഴും കാണിക്കുന്ന ചേഷ്ടകള്‍ തന്നെയാണ് കാണിക്കുന്നത് എന്നതാണ് സൈബര്‍ ആക്രമണക്കാരുടെ ഒരു വിമര്‍ശനം. ബോഡിഗാര്‍ഡ് എന്ന സിനിമ മുതല്‍ കണ്ടുവരുന്ന ദിലീപിന്റെ മാനറിസങ്ങള്‍ ആവര്‍ത്തിക്കുന്നു എന്നതാണ് മറ്റൊരു വിമര്‍ശനം. ഇതിനെതിരെ ദിലീപ് ഫാന്‍സ് ഉയര്‍ത്തുന്ന മറുചോദ്യം ഇതാണ്. സൂപ്പര്‍ താരമായ രജനിയ്‌ക്ക് ഏതാനും മാനറിസങ്ങള്‍ മാത്രമേയുള്ളൂ. ചുണ്ടിനിടയിലേക്ക് സിഗരറ്റ് എറിയുന്നതും തീപ്പെട്ടിക്കൊള്ളി വായുവില്‍ പറത്തി സിഗരറ്റ് കത്തിക്കുന്നതും ഡാന്‍സ് സ്റ്റെപ്പുകളും ഒരുപോലെ ആവര്‍ത്തിക്കുന്നവയാണ്. ജനം ഇതേറ്റെടുക്കുമ്പോള്‍ ആണ് അവര്‍ സൂപ്പര്‍ സ്റ്റാറുകള്‍ ആകുന്നത്.
ഈ പാട്ടിന്റെ വീഡിയോയ്‌ക്ക് 1523ല്‍ പരം കമന്‍റുകള്‍ വന്നിട്ടുണ്ട്. “ആഹാ ❤ഇത് കൊള്ളാല്ലോ ❤ആ പഴയ എനർജി 🔥🔥my boss ലെവൽ ” എന്നും “ജനപ്രിയ നായകൻ ഒരിക്കൽ തിരിച്ചു വരും 😊അഹ് പഴയ ഫാമിലി നടൻ ആയിട്ട്” എന്നും ചില നല്ല കമന്‍റുകള്‍ വരുമ്പോഴും എതിരായ കമന്‍റുകളും ധാരാളമുണ്ട്. ദിലീപിനെ വളഞ്ഞിട്ടാക്രമിക്കുക എന്നത് ലക്ഷ്യമാക്കിത്തന്നെ ചില ലോബികള്‍ പ്രവര്‍ത്തിക്കുന്നുണ്ട്.
വിനായക് ശശികുമാറിന്റെ ഗാനം…അഫ്സലിന്റെ ആലാപനം
പുതിയ കാലത്തിന്റെ ഗാനരചയിതാവ് വിനായക് ശശികുമാര്‍ ആണ് ഈ ഗാനം രചിച്ചിരിക്കുന്നത്. സനല്‍ ദേവിന്‍റേതാണ് സംഗീതം. പാടിയിരിക്കുന്നത് അഫ്സല്‍. ഗായകന്‍ അഫ്സലും ദിലീപും ഏറെക്കാലത്തിന് ശേഷം വീണ്ടും ഒന്നിയ്‌ക്കുകയാണ്. നല്ല ഈ പെപ്പിയായ ഈ ഫാസ്റ്റ് നമ്പര്‍ സോങ്ങ് ജനം ഏറ്റെടുത്തിരിക്കുന്നു എന്നതിന് തെളിവാണ് രണ്ടാഴ്ചയ്‌ക്കുള്ളിലെ പത്ത് ലക്ഷം ഹിറ്റുകള്‍.
പ്രതികരിക്കാൻ ഇവിടെ എഴുതുക: