ചെന്നൈ : തമിഴ്നാട് മുഖ്യമന്ത്രി സ്റ്റാലിനെതിരെ ബിജെപി അദ്ധ്യക്ഷൻ കെ അണ്ണമലൈ . തമിഴ്നാട് മുഖ്യമന്ത്രിയുടെ കുടുംബം നിരവധി സ്വകാര്യ സ്‌കൂളുകൾ നടത്തുന്നുണ്ടെന്ന് ഇപ്പോൾ രാജ്യം മുഴുവൻ അറിയാമെന്നും ആ സ്കൂളുകളിലെ വിദ്യാർത്ഥികൾ മൂന്ന് ഭാഷ പഠിക്കുന്നുണ്ടെന്നും അണ്ണാമലൈ പറഞ്ഞു. എന്നാൽ സർക്കാർ സ്കൂളുകളിലെ വിദ്യാർത്ഥികൾ മൂന്ന് ഭാഷകൾ പഠിക്കുന്നതിൽ താങ്കൾക്ക് എതിർപ്പുണ്ട്. നിങ്ങൾ കപടനാട്യക്കാരൻ അല്ലാതെ മറ്റാരാണെന്നും അണ്ണാമലൈ ചോദിക്കുന്നു.
‘ എം കെ സ്റ്റാലിൻ, നമ്മുടെ ഭരണഘടനയുടെയും ഫെഡറൽ ഘടനയുടെയും സംരക്ഷകനായി വേഷംമാറിയ ഒരു തട്ടിപ്പുകാരനാണ് താങ്കൾ. സാധാരണയായി കൊള്ളക്കാർ സമ്പന്നരെ കൊള്ളയടിക്കും, എന്നാൽ ഡിഎംകെ ഈ കാര്യത്തിൽ വിവേചനം കാണിക്കുന്നില്ല, അവർ സമ്പന്നരെയും ദരിദ്രരെയും ഒരുപോലെ കൊള്ളയടിക്കുന്നു. തന്റെ പാർട്ടിക്കാർ അവിടെയും ഇവിടെയും നടത്തുന്ന നാടകം മുഴുവൻ തമിഴ്‌നാടിന്റെയും ശബ്ദത്തെ പ്രതിനിധീകരിക്കുന്നുവെന്ന് തമിഴ്നാട് മുഖ്യമന്ത്രി കരുതുന്നു . അപ്രധാനമായ കാര്യങ്ങളിലേയ്‌ക്ക് ആളുകളുടെ ശ്രദ്ധ തിരിക്കാനുള്ള നിങ്ങളുടെ ശ്രമങ്ങൾ പൊളിഞ്ഞുവെന്ന് നിങ്ങൾ ഇതുവരെ മനസ്സിലാക്കിയിട്ടില്ല എന്നത് നിർഭാഗ്യകരമാണ്. നിങ്ങൾ നിങ്ങളുടെ ഈ അറിവില്ലായ്മയുടെ ലോകത്ത് ജീവിക്കുക. ഞങ്ങൾ നിങ്ങളെ ശല്യപ്പെടുത്തുകയില്ല.’- അണ്ണാമലൈ പറഞ്ഞു
പ്രതികരിക്കാൻ ഇവിടെ എഴുതുക: