ഭുവനേശ്വർ : നിയമസഭാകക്ഷി നേതാവ് രാമചന്ദ്ര കദം ഉൾപ്പെടെ ഒഡീഷയിലെ 14 കോൺഗ്രസ് എംഎൽഎമാരിൽ 12 പേരെ സസ്പെൻഡ് ചെയ്തു . അച്ചടക്കലംഘനം, അനാദരവ് എന്നീ കുറ്റങ്ങൾ ചുമത്തി ഒഡീഷ നിയമസഭാ സ്പീക്കർ സുരാമ പാധിയാണ് ഇവരെ ഏഴ് ദിവസത്തേക്ക് സസ്പെൻഡ് ചെയ്തത്.
മാർച്ച് 7 ന് ബജറ്റ് സമ്മേളനത്തിന്റെ രണ്ടാം ഘട്ടം ആരംഭിച്ചതുമുതൽ കോൺഗ്രസ് എംഎൽഎമാർ പ്രതിഷേധത്തിലാണ്. വെള്ളിയാഴ്ച മുതൽ, കറുത്ത വസ്ത്രം ധരിച്ച കോൺഗ്രസ് എംഎൽഎമാർ എത്തുന്നത് . ചൊവ്വാഴ്ച സസ്പെൻഡ് ചെയ്തതിനുശേഷവും, എംഎൽഎമാർ രാത്രി മുഴുവൻ ധർണ നടത്താനാണ് തീരുമാനിച്ചിരിക്കുന്നത് . സ്ത്രീ സുരക്ഷയുടെ പേരിൽ മാർച്ച് 27 ന് അംഗങ്ങൾ നിയമസഭ ഘെരാവോ ചെയ്യുമെന്ന് പാർട്ടി പ്രഖ്യാപിച്ചതിന് രണ്ട് ദിവസം മുമ്പാണ് സസ്പെൻഷൻ.
ചൊവ്വാഴ്ച, സഭ സമ്മേളിച്ചയുടനെ, കോൺഗ്രസ് എംഎൽഎമാർ പ്രതിഷേധം ആരംഭിച്ചു, തുടർന്ന് സ്പീക്കർക്ക് സഭ ആവർത്തിച്ച് നിർത്തിവയ്‌ക്കേണ്ടിവന്നു.എംഎൽഎമാർ പ്രതിഷേധം തുടർന്നപ്പോൾ, അവരോട് നിയമസഭയിൽ നിന്ന് പുറത്തുപോകാൻ അഭ്യർത്ഥിക്കുകയും ചെയ്തു . സാധുവായ കാരണമില്ലാതെ നിയമസഭയുടെ നടപടികൾ തടസ്സപ്പെടുത്തിയതിന് റവന്യൂ മന്ത്രി സുരേഷ് പൂജാരിയും കോൺഗ്രസ് എംഎൽഎമാരെ വിമർശിച്ചു. അവർ വിസിൽ മുഴക്കുന്നതടക്കം ചൂണ്ടിക്കാണിച്ചുകൊണ്ട് സഭയിലെ അവരുടെ പെരുമാറ്റത്തെയും അദ്ദേഹം വിമർശിച്ചു.
“പ്രതിപക്ഷ പാർട്ടികൾ ഉന്നയിക്കുന്ന ഏത് വിഷയത്തിലും ചർച്ചയ്‌ക്ക് സർക്കാർ തയ്യാറാണ്. എന്നാൽ അവരുടെ പെരുമാറ്റം ഒട്ടും അഭികാമ്യമല്ല. എനിക്കറിയാവുന്നിടത്തോളം, ഫെബ്രുവരി 14 മുതൽ, സഭ തടസ്സപ്പെട്ടതിനാൽ കുറഞ്ഞത് 31 മണിക്കൂറെങ്കിലും നഷ്ടപ്പെട്ടു,” സുരേഷ് പൂജാരി പറഞ്ഞു.
പ്രതികരിക്കാൻ ഇവിടെ എഴുതുക: