ന്യൂയോർക്ക് : ജമ്മുകശ്മീരിനു വേണ്ടി അലമുറയിട്ട് കരയുന്ന പാകിസ്ഥാനെ കണക്കറ്റ് വിമർശിച്ച് ഐക്യരാഷ്‌ട്രസഭയിലെ ഇന്ത്യൻ സ്ഥിരം പ്രതിനിധി പർവതനേനി ഹരീഷ്. ഐക്യരാഷ്ട്രസഭയിൽ ഇസ്ലാമോഫോബിയയെ ചെറുക്കുന്നതിനായി നടന്ന യോഗത്തിൽ ജമ്മു കശ്മീർ വിഷയം ഉന്നയിച്ചതിനാണ് ഇന്ത്യ പാകിസ്ഥാനെ വിമർശിച്ചത്.
ഇന്ത്യൻ കേന്ദ്രഭരണ പ്രദേശമായ ജമ്മു കശ്മീർ സംബന്ധിച്ച് പാകിസ്ഥാൻ മുൻ വിദേശകാര്യ സെക്രട്ടറി അനുചിതമായ പരാമർശങ്ങൾ നടത്തുന്നത് പതിവാണ്. ആവർത്തിച്ച് നൽകുന്ന പരാമർശങ്ങൾ അവരുടെ അവകാശവാദത്തെ സ്ഥിരീകരിക്കുകയോ അതിർത്തി കടന്നുള്ള ഭീകരതയെ പിന്തുണയ്‌ക്കുകയോ ചെയ്യില്ല.
പാകിസ്ഥാന്റെ തീവ്രവാദ മനോഭാവം എല്ലാവർക്കും അറിയാം, ഈ യാഥാർത്ഥ്യം മാറില്ല. ജമ്മു കശ്മീർ ഇന്ത്യയുടെ അവിഭാജ്യ ഘടകമാണ്, അത് അങ്ങനെ തന്നെ തുടരുമെന്നും പർവതനേനി ഹരീഷ് പാകിസ്ഥാനോടായി പറഞ്ഞു.
ഇതിനു പുറമെ തീവ്രവാദ മനോഭാവങ്ങൾക്കും ഇസ്ലാമോഫോബിയയ്‌ക്കും എതിരെ നമ്മൾ പ്രവർത്തിക്കേണ്ടതുണ്ടെന്ന് ഓർമ്മിക്കേണ്ടതുണ്ട്. ആരാധനാലയങ്ങളെയും മതസമൂഹങ്ങളെയും ലക്ഷ്യം വച്ചുള്ള അക്രമങ്ങളിൽ അടുത്തിടെ ഭയാനകമായ വർദ്ധനവ് നാം കണ്ടിട്ടുണ്ട്.
ഇത് ഞങ്ങൾക്ക് ആശങ്കാജനകമായ ഒരു കാര്യം മാത്രമല്ല, എല്ലാവരും അതിനെ എതിർക്കാൻ ഒരുമിച്ച് പ്രവർത്തിക്കുന്നുവെന്ന് ഉറപ്പാക്കണം. തീവ്രവാദത്തെ പ്രോത്സാഹിപ്പിക്കില്ലെന്നും അദ്ദേഹം കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക