ചെന്നൈ : തമിഴ്നാട് ബജറ്റ് വെറും പരസ്യം മാത്രമാണെന്ന് ബിജെപി സംസ്ഥാന അദ്ധ്യക്ഷൻ അണ്ണാമലൈ . തമിഴ്നാട്ടിലെ 936 സ്ഥലങ്ങളിൽ ബജറ്റ് അവതരണ പരിപാടി തത്സമയം സംപ്രേഷണം ചെയ്തു. എന്നാൽ സംപ്രേഷണം നടന്ന സ്ഥലങ്ങളിൽ പലയിടത്തും ഒഴിഞ്ഞ കസേരകൾ മാത്രമാണ് ഉണ്ടായിരുന്നത് . ഒഴിഞ്ഞ കസേരകളുടെ ഫോട്ടോ തമിഴ്നാട് ബിജെപി പുറത്തു വിട്ടു. “ഡി.എം.കെ. “സർക്കാർ പുറത്തിറക്കിയ ബജറ്റ് ജനങ്ങളുടെ പ്രതീക്ഷകൾ നിറവേറ്റുന്നില്ലെന്നും അത് ശൂന്യമാണെന്നും അറിയുന്നതിൽ അതിശയിക്കാനില്ല,” അണ്ണാമലൈ ട്വീറ്റ് ചെയ്തു.
ഡി.എം.കെ. ജനങ്ങളുടെ പ്രതീക്ഷകൾ നിറവേറ്റാത്ത പൊള്ളയായ പ്രഖ്യാപനങ്ങൾ നിറഞ്ഞതാണ് ബജറ്റ് എന്ന് അദ്ദേഹം വിമർശിച്ചു. “ആയിരക്കണക്കിന് കോടി രൂപയുടെ അഴിമതി നടത്തുന്ന സർക്കാർ, തിരഞ്ഞെടുപ്പ് വാഗ്ദാനങ്ങൾ പാലിക്കാതെ പരസ്യങ്ങൾ മാത്രം പുറത്തിറക്കുകയാണ്” അണ്ണാമലൈ തന്റെ സോഷ്യൽ മീഡിയ പോസ്റ്റിൽ പറഞ്ഞു.ബജറ്റിലെ തമിഴ്നാട് സർക്കാരിന്റെ പദ്ധതികൾ ഡിഎംകെ അനുകൂലികൾക്ക് ഗുണം ചെയ്‌തെങ്കിലും, തുടർച്ചയായ നാലാം വർഷവും സാധാരണക്കാരെ നിരാശരാക്കിയതായി ബിജെപി ആരോപിച്ചു.
പ്രതികരിക്കാൻ ഇവിടെ എഴുതുക: