തിരുവനന്തപുരം: വിവിധയിടങ്ങളിൽ മാസപ്പിറവി കണ്ടതിനെ തുടര്ന്ന് കേരളത്തിൽ മാര്ച്ച് രണ്ട് ഞായറാഴ്ച റമദാൻ ഒന്നായിരിക്കുമെന്ന് ഖാസിമാര് അറിയിച്ചു. ഞായറാഴ്ച മുതല് കേരളത്തിൽ റമദാൻ വ്രതാനുഷ്ഠാനം ആരംഭിക്കും.
മാര്ച്ച് രണ്ട് ഞായറാഴ്ച റമദാന് ഒന്നായിരിക്കുമെന്ന് സംയുക്ത മഹല്ല് ജമാഅത് ഖാസി സയ്യിദ് ഇബ്റാഹീമുല് ഖലീല് അല് ബുഖാരി കാന്തപുരം എ പി.അബൂബക്കര് മുസ്ലിയാരുടെ പ്രതിനിധി ഡോ. ഹുസൈന് സഖാഫി ചുള്ളിക്കോട് എന്നിവര് അറിയിച്ചു. മാസപ്പിറവി കണ്ടതായി പാണക്കാട് സാദിഖലി ശിഹാബ് തങ്ങളും അറിയിച്ചു. കോഴിക്കോട് വെള്ളയിൽ കടപ്പുറത്തും പൊന്നാനിയിലുമടക്കം മാസപ്പിറവി കണ്ടതായി ഖാസിമാര് അറിയിച്ചു.
ഗൾഫിൽ റമദാൻ വ്രതാനുഷ്ഠാനം മാര്ച്ച് ഒന്ന് ശനിയാഴ്ച തന്നെ ആരംഭിച്ചിരുന്നു.യുഎഇ ഉൾപ്പെടെയുള്ള എല്ലാ ഗൾഫ് രാജ്യങ്ങളിലും ഇത്തവണ ഒരുമിച്ചാണ് റമദാൻ ആരംഭിക്കുന്നത്. യുഎഇ, ഒമാൻ, ഖത്തർ, കുവൈത്ത്, ബഹ്റൈൻ എന്നീ രാജ്യങ്ങളിലും ഒമാനിലും മാര്ച്ച് ഒന്ന് ശനിയാഴ്ച റമദാൻ വ്രതം ആരംഭിച്ചു.
