ബെംഗളൂരു : തന്റെ വിശ്വാസത്തെ ചോദ്യം ചെയ്യാൻ ആർക്കും അവകാശമില്ലെന്ന് കർണാടക ഉപമുഖ്യമന്ത്രി ഡി കെ ശിവകുമാർ . ഇഷ ഫൗണ്ടേഷനിലെ മഹാശിവരാത്രി ആഘോഷങ്ങളിൽ പങ്കെടുത്തതിനെച്ചൊല്ലിയുള്ള തർക്കത്തിനിടെ, മാദ്ധ്യമങ്ങളോട് പ്രതികരിക്കുകയായിരുന്നു ഡി.കെ. ശിവകുമാർ പറഞ്ഞത് .
‘ മഹാകുംഭമേള, ത്രിവേണീ സ്നാനം, മഹാശിവരാത്രി, നവരാത്രി എന്നിവ എന്റെ വ്യക്തിപരമായ വിശ്വാസങ്ങളാണ് . അതിനെ ചോദ്യം ചെയ്യാൻ ആർക്കും അവകാശമില്ല .ഞാൻ ഇഷ ഫൗണ്ടേഷനിലെ മഹാശിവരാത്രി ആഘോഷങ്ങളിൽ പങ്കെടുത്തു. അത് എന്റെ വ്യക്തിപരമായ വിശ്വാസമാണ്. സോഷ്യൽ മീഡിയയിൽ എന്തെങ്കിലും പോസ്റ്റ് ചെയ്യുന്ന എല്ലാവർക്കും എനിക്ക് മറുപടി നൽകാൻ കഴിയില്ല. മാധ്യമങ്ങളും ഇത് ചർച്ച ചെയ്യണമെന്ന് ഞാൻ ആഗ്രഹിക്കുന്നില്ല. ഇത് പൂർണ്ണമായും എന്റെ വ്യക്തിപരമായ വിശ്വാസമാണ്. സദ്ഗുരു മൈസൂരുവിൽ നിന്നുള്ളയാളാണ്, അദ്ദേഹം എന്നെ വ്യക്തിപരമായി പരിപാടിക്ക് ക്ഷണിച്ചു,
എന്റെ വിശ്വാസം എവിടെയാണോ അവിടെയാണ് ഞാൻ പോകുന്നത്. എനിക്ക് ഉറപ്പ് തോന്നുന്നിടത്തേക്ക് ഞാൻ പോകുന്നു. എന്റെ മണ്ഡലത്തിലെ വോട്ടർമാരിൽ ഭൂരിഭാഗവും പട്ടികജാതിക്കാരും ഗോത്രക്കാരുമാണ്. എന്റെ മണ്ഡലത്തിലെ 99 ശതമാനം ബ്രാഹ്മണരും എനിക്ക് വോട്ട് ചെയ്യുന്നു. ഞാൻ ഹിന്ദുവാണ്, എല്ലാ സംസ്കാരങ്ങളെയും ഞാൻ ബഹുമാനിക്കുന്നു‘ ഡികെ ശിവകുമാർ പറഞ്ഞു.
പ്രതികരിക്കാൻ ഇവിടെ എഴുതുക