മലപ്പുറം: അരീക്കോട് തെരട്ടമ്മലില്‍ ഫുട്‌ബോള്‍ മത്സരത്തിനിടെ പടക്കം കാണികള്‍ക്കിടയില്‍ വീണ് പൊട്ടിത്തെറിച്ചു.സംഭവത്തില്‍ 22 പേര്‍ക്ക് പരിക്കേറ്റു.
ആരുടെയും പരിക്ക് ഗുരുതരമല്ലെന്നാണ് വിവരം. ഉയരത്തില്‍ വിട്ട പടക്കം കാണികള്‍ക്കിടയില്‍ വീണ് പൊട്ടിയെന്നാണ് റിപ്പോര്‍ട്ട്. പരിക്കേറ്റവരെ അരീക്കോട്ടെ സ്വകാര്യ ആശുപത്രിയിലേക്ക് മാറ്റി.
സെവന്‍സ് ടൂര്‍ണമെന്റിന്റെ കലാശപ്പോരാട്ടമായിരുന്നു ഇന്ന്. ഇതിന് മുന്നോടിയായി നടന്ന കരിമരുന്ന് പ്രയോഗത്തിന്റെ ഭാഗമായി പൊട്ടിച്ച പടക്കമാണ് ദിശ മാറി കാണികള്‍ക്ക് ഇടയില്‍ വീണ് പൊട്ടിയത്. പടക്കത്തിന്റെ തീപ്പൊരി ചിതറി വീണ് മൂന്ന് പേര്‍ക്ക് പൊള്ളലേറ്റു. കാണികള്‍ ചിതറി ഓടിയതോടെ പലരും വീണു. ഇങ്ങനെ 19 പേര്‍ക്ക് പരിക്കേറ്റു.
പ്രതികരിക്കാൻ ഇവിടെ എഴുതുക: