കോഴിക്കോട്:വളയം പൊലീസ് സ്‌റ്റേഷന്‍ പരിധിയില്‍ വന്‍ ആയുധ ശേഖരം കണ്ടെത്തി.ചെക്യാട് കായലോട്ട് താഴെ പാറച്ചാലില്‍ മുക്കില്‍ റോഡിലെ കലുങ്കിനടിയില്‍ സൂക്ഷിച്ച നിലയിലാണ് ആയുധ ശേഖരം കണ്ടെത്തിയത്.
14 സ്റ്റീല്‍ ബോംബുകള്‍, രണ്ട് പൈപ്പ് ബോംബുകള്‍, രണ്ട് വടിവാളുകള്‍ എന്നിവയാണ് കണ്ടെത്തിയത്. രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് ആയുധ ശേഖരം കണ്ടെത്തിയത്.
വളയം പൊലീസും ബോംബ് സ്‌ക്വാഡുമാണ് പരിശോധന നടത്തിയത്.ബോംബും ആയുധങ്ങളും പൊലീസ് കസ്റ്റഡിയില്‍ എടുത്തു. പ്രദേശത്ത് പൊലീസ് പരിശോധന തുടരുകയാണ്.
പ്രതികരിക്കാൻ ഇവിടെ എഴുതുക: