ന്യൂഡൽഹി : പ്രയാഗ് രാജിലെ മഹാകുംഭമേളയിൽ കർമ്മനിരതരായി സ്വയം സേവകർ . കോടിക്കണക്കിന് ഭക്തരുടെ സാന്നിധ്യം കണക്കിലെടുത്ത്, സുഗമമായ ഗതാഗത നിയന്ത്രണം ഉറപ്പാക്കുന്നതിനും തീർത്ഥാടകർക്ക് അവശ്യ സേവനങ്ങൾ നൽകുന്നതിനുമായി രാഷ്‌ട്രീയ സ്വയംസേവക സംഘം 16,000 കാര്യകർത്താക്കളെ പ്രയാഗ് രാജിൽ വിന്യസിച്ചിട്ടുണ്ട്. പോലീസുമായി സഹകരിച്ചാണ് ഇവരുടെ പ്രവർത്തനം .
നിരവധി ആഴ്ചകളായി മഹത്തായ മതസമ്മേളനത്തിനായി കാര്യകർത്താക്കൾക്ക് പരിശീലനം നൽകിയിരുന്നു. ഗതാഗത സംവിധാനം സുഗമമാക്കുന്നതിന് പോലും , കാര്യകർത്താക്കൾ പ്രത്യേക പരിശീലനം നേടിയിട്ടുണ്ട് . ഭക്തർക്ക് ഒരു അസൗകര്യവും നേരിടുന്നില്ലെന്ന് ഉറപ്പാക്കാൻ ഈ കാര്യകർത്താക്കൾ എവിടെയും ഓടിയെത്തുന്നു.
“മഹാകുംഭമേളയ്‌ക്കായി എത്തുന്ന തീർത്ഥാടകരുടെ എണ്ണം കൂടുതലായതിനാൽ ഗതാഗതം നിയന്ത്രിക്കുന്നത് ഒരു പ്രധാന വെല്ലുവിളിയാണ്. ഈ കാര്യത്തിൽ ആർ‌എസ്‌എസ് കാര്യകർത്താക്കളുടെ പങ്ക് നിർണായകമാണ്, കാരണം അവരുടെ സാന്നിധ്യം ചലനം നിയന്ത്രിക്കുന്നതിനും തിരക്ക് തടയുന്നതിനും സഹായിക്കുന്നു,” മേളയ്‌ക്കെത്തിയവരിൽ ചിലരുടെ അഭിപ്രായം ഇങ്ങനെയാണ്.
ഗതാഗതം നിയന്ത്രിക്കുന്നതിനു പുറമേ, ശുചിത്വം, ആരോഗ്യ സംരക്ഷണം, മറ്റ് അവശ്യ സേവനങ്ങൾ എന്നിവയിലും ആർ‌എസ്‌എസ് കാര്യകർത്താക്കളുടെ സേവനം ലഭ്യമാണ്. ആർ‌എസ്‌എസ് അലഹബാദ് സർവകലാശാലയുമായി സഹകരിച്ച് സർവകലാശാലാ പരിസരത്ത് താൽക്കാലിക ഷെൽട്ടറുകൾ ഒരുക്കിയിട്ടുണ്ട്. മാത്രമല്ല ഭക്ഷണപായ്‌ക്കറ്റുകളും , കുടിവെള്ളവും ഒരുക്കാനും ഇവർ മുന്നിലുണ്ട്.
പ്രതികരിക്കാൻ ഇവിടെ എഴുതുക: