തിരുവനന്തപുരം: സുരേഷ് ഗോപിയുടെ നല്‍കുന്ന സഹായങ്ങള്‍ കൊട്ടിഘോഷിക്കാത്ത സ്വഭാവവും വി.ഡി. രാജപ്പന് എന്ന പാരഡിഗാന-കഥാപ്രസംഗ കലാകാരന്റെ ജീവിതവുമാണ് ഈയിടെ ആലപ്പി അഷ്റഫ് തന്റെ വീഡിയോ പരിപാടിയില്‍ പങ്കുവെച്ചത്.
ചുറുചുറുക്കുള്ള വി.ഡി. രാജപ്പനെ എല്ലാവര്‍ക്കും അറിയാമെങ്കിലും ആരോഗ്യം നഷ്ടപ്പെട്ട് രോഗക്കിടക്കയിലായിപ്പോയ വി.ഡി. രാജപ്പനെക്കുറിച്ച് അധികമാര്‍ക്കും അറിയില്ല. ചിട്ടയല്ലാത്ത ജീവിതക്രമത്തിലൂടെ കടന്നുപോയ വി.ഡി.രാജപ്പന് രോഗക്കിടക്കയില്‍ കിടക്കേണ്ടിവന്നു.
കിടപ്പിലായ രാജപ്പനെ സിനിമാക്കാര്‍ തിരിഞ്ഞുനോക്കിയില്ലെന്ന് പരാതി വന്നു. ഇതേക്കുറിച്ച് മനസ്സിലാക്കിയ സുരേഷ് ഗോപി രാജപ്പന്റെ കുടുംബത്തെ വിളിച്ച് കാര്യങ്ങള്‍ അന്വേഷിച്ചശേഷം അപ്പോൾ തന്നെ ഒരു ലക്ഷം രൂപ രാജപ്പന് നൽകി. ഇത് കുടുംബത്തിന് ഏറെ ആശ്വാസമായി. പക്ഷെ ഇക്കാര്യം സുരേഷ് ഗോപി ആരോടും പറയാതെ രഹസ്യമായി സൂക്ഷിച്ചു. സുരേഷ് ഗോപി എവിടെയും ഇത് വെളിപ്പെടുത്തിയിട്ടുമില്ല. അതാണ് സുരേഷ് ഗോപിയുടെ ശൈലിയും.
പക്ഷെ ഇതിന് പിന്നാലെ നടൻ ജയസൂര്യ ചെയ്ത കാര്യം ജയസൂര്യയ്‌ക്ക് തന്നെ പുലിവാലായി എന്നും ആലപ്പി അഷ്റഫ് പറയുന്നു. തനിക്ക് ലഭിച്ച അവാർഡ് തുകയായ അമ്പതിനായിരം രൂപ അവശകലാകാരനായ വി ഡി രാജപ്പന് നൽകുകയാണെന്ന് മാധ്യമങ്ങളിലൂടെ ജയസൂര്യ പ്രഖ്യാപിച്ചത് തിരിച്ചടിച്ചു. ജയസൂര്യ പ്രഖ്യാപിച്ച തുക തങ്ങള്‍ക്ക് ആവശ്യമില്ലെന്ന് വി.ഡി. രാജപ്പന്റെ ആത്മാഭിമാനമുള്ള കുടുംബാംഗങ്ങള്‍ നിരസിച്ചു. പിന്നീട് ജയസൂര്യ തന്റെ സംഭാവന സ്വീകരിക്കണമെന്ന് അപേക്ഷച്ചതിന്റെ അടിസ്ഥാനത്തിലാണ് തുക വീട്ടുകാര്‍ വാങ്ങിയതെന്നും ആലപ്പി അഷ്റഫ്.
പ്രതികരിക്കാൻ ഇവിടെ എഴുതുക: