ന്യൂഡൽഹി : ഹിന്ദു ദൈവങ്ങളെ അപമാനിക്കുകയും ഇന്ത്യാവിരുദ്ധ വികാരം പ്രചരിപ്പിക്കുകയും ചെയ്ത മാധ്യമപ്രവർത്തക റാണ അയൂബിനെതിരെ കേസെടുക്കാൻ ഡൽഹി കോടതി ഉത്തരവിട്ടു. റാണ അയൂബിനെതിരെ പ്രഥമദൃഷ്ട്യാ കുറ്റം ചുമത്തപ്പെട്ടിട്ടുണ്ടെന്ന് കോടതി കണ്ടെത്തി.അഭിഭാഷക അമിതാ സച്ച്ദേവ നൽകിയ ഹർജിയിലാണ് നടപടി.
റാണാ അയൂബിന്റെ സോഷ്യൽ മീഡിയ പോസ്റ്റുകൾ ഹിന്ദു ദൈവങ്ങളെ അപമാനിക്കുന്നതും ഇന്ത്യാ വിരുദ്ധ വികാരം പ്രചരിപ്പിക്കുന്നതുമാണെന്ന് നേരത്തെ ആരോപണം ഉയർന്നിരുന്നു.153 എ, 295 എ, 505 എന്നീ വകുപ്പുകൾ പ്രകാരം റാണ അയൂബിനെതിരെ എഫ്ഐആർ രജിസ്റ്റർ ചെയ്തിട്ടുണ്ടെന്ന് ഡൽഹി പോലീസ് ചൊവ്വാഴ്ച കോടതിയെ അറിയിച്ചു.
അഭിഭാഷകരായ മക്രന്ദ് അദ്കർ, യദ്വേന്ദ്ര സക്സേന, വിക്രം കുമാർ എന്നിവരാണ് സച്ച്ദേവയ്ക്ക് വേണ്ടി കോടതിയിൽ ഹാജരായത്. എക്സിൽ റാണ അയൂബ് പങ്ക് വച്ച പോസ്റ്റുകളുടെ ഒരു പരമ്പര തന്നെ അഭിഭാഷകർ കോടതിയിൽ അവതരിപ്പിച്ചു. ശ്രീരാമനെ അപമാനിച്ചും റാണാ അയൂബ് പോസ്റ്റുകൾ പങ്ക് വച്ചിരുന്നു.
