കോട്ടയം : എരുമേലിയിലെ അയ്യപ്പഭക്തരോടുള്ള അധികൃതരുടെയും കച്ചവടക്കാരുടെയും മനുഷ്യത്വരഹിതമായ കൊടും ചൂഷണം ചോദ്യം ചെയ്തവരെ കടന്നാക്രമിച്ച നടപടിയിൽ പ്രതിഷേധിച്ച് ബിജെപി മധ്യ മേഖല പ്രസിഡന്‍റ് എന്‍.ഹരി. എരുമേലിയിലെ അമിത ചൂഷണം തടയാൻ അധികൃതർ പ്രത്യേക സ്ക്വാഡുകളെ അടിയന്തരമായ നിയോഗിക്കണമെന്നും കുറ്റ ക്കാർക്കെതിരെ നടപടിയെടുക്കണമെന്നും അദ്ദേഹം ആവശ്യപ്പെട്ടു.
“പാവപ്പെട്ട അയ്യപ്പഭക്തരെ ചൂഷണം ചെയ്യുന്നവരെ സംരക്ഷിക്കുന്ന നിലപാട് ഭൂഷണമല്ല.
അയ്യപ്പഭക്തരോടുള്ള ഇതരസംസ്ഥാനങ്ങളിൽ നിന്നുള്ളവരോട് പ്രാഥമിക ആവശ്യങ്ങൾ നിർവഹിക്കുന്നതിന് പോലും അമിത നിരക്ക് ഈടാക്കുന്നത് ശ്രദ്ധയിൽപ്പെട്ടപ്പോഴാണ് കഴിഞ്ഞദിവസം ശബരിമല കർമസമിതി പ്രവർത്തകർ ഇടപെട്ടത്.വാവര് സ്റ്റേഡിയത്തിന് സമീപം നടന്ന ചൂഷണത്തെക്കുറിച്ച് അയ്യപ്പ സേവാസമാജത്തിൽ അയ്യപ്പ ഭക്തർ പരാതിപ്പെട്ടു. ഇതേ തുടർന്നാണ് സ്ഥലം സന്ദർശിക്കാൻ കർമ്മസമിതി പ്രവർത്തകർ എത്തിയത്. എന്നാൽ നിയമപാലകർ ഇവരെ തടഞ്ഞു കച്ചവട ലോബിക്ക് സംരക്ഷണം ഒരുക്കുകയായിരുന്നു.”- എൻ. ഹരി പ്രസ്താവനയില്‍ പറഞ്ഞു.
ഹൈക്കോടതി ഉത്തരവനുസരിച്ച് ഉള്ള നി രക്കിന്റെ 10 ഇരട്ടി വരെയാണ് പരസ്യമായി വാങ്ങുന്നത്. ദേവസ്വം ബോർഡിൻറെ ശുചിമുറികളിൽ പോലും കരാറുകാർ അയ്യപ്പഭക്തരെ ഞെക്കി പിഴിയുകയാണ്.ഇത് അറിയാവുന്ന പോലീസ് ഉദ്യോഗസ്ഥർ ചൂഷണത്തിന് കയ്യും കെട്ടി നിന്ന് കൊടുക്കുകയാണ്.- അദ്ദേഹം വിമര്‍ശിച്ചു.
ശബരിമല സീസണിലെ ഏറ്റവും തിരക്കേറിയ മകരവിളക്ക് കാലത്ത് ചൂഷണത്തിന്റെ എല്ലാം പരിധികളും ലഭിക്കുന്ന കാഴ്ചയാണ് എരുമേലിയിൽ ഉള്ളത്. ഇതരഭാഷ അയ്യപ്പന്മാരെ കഴുത്തറപ്പൻ ചൂഷണത്തിന് വിധേയമാക്കുകയാണ്.അധികൃതരുടെ കൺമുന്നിൽ കൊള്ളയടി നടക്കുമ്പോഴും നിസ്സംഗത പാലിക്കുന്നത് ആരുടെയോ നിർദ്ദേശമനുസരിച്ച് ആണെന്ന് കരുതേണ്ടിയിരിക്കുന്നു.ജില്ലാ ഭരണകൂടം ഇക്കാര്യത്തിൽ അടിയന്തരമായി ഇടപെടണമെന്നും ഹരി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക