കെഎസ്ആര്‍ടിസി ബസില്‍ യാത്രക്കാരി കുഴഞ്ഞുവീണു, ബസ് ആശുപത്രിയിലെത്തിച്ച് ജീവന്‍ രക്ഷിച്ചു

കൊച്ചി: കെഎസ്ആര്‍ടിസി ബസില്‍ യാത്രക്കാരി കുഴഞ്ഞുവീണു. ഡ്രൈവറും കണ്ടക്ടറും ഉടന്‍ തന്നെ ഇവരെ ആശുപത്രിയിലെത്തിച്ചതിനെ തുടര്‍ന്ന് ജീവന്‍ രക്ഷിക്കാനായി.

തിരുവനന്തപുരത്തേക്ക് പോവുകയായിരുന്ന ബസില്‍ ബുധനാഴ്ച ഉച്ചയ്‌ക്ക് 12.30 ഓടെയാണ് സംഭവം. കുഴഞ്ഞു വീണ വയോധികയെയും മറ്റ് യാത്രക്കാരുമായി ബസ് വിപിഎസ് ലേക്‌ഷോര്‍ ആശുപത്രിയിലെത്തിക്കുകയായിരുന്നു. വൈറ്റില ഹബ്ബില്‍നിന്നും ബസില്‍ കയറിയ വയോധിക ബസ് കുണ്ടന്നൂരിലെത്തിയപ്പോള്‍ ആണ് കുഴഞ്ഞുവീണ് ബോധരഹിതയായത്.

വയോധികയുടെ സമീപത്തിരുന്ന സഹയാത്രികന്‍ വിവരമറിയിച്ചതിനെ തുടര്‍ന്നാണ് ബസ് ആശുപത്രിയിലേക്ക് തിരിച്ചു വിട്ടത്.