കൊച്ചി: റിയല്‍ എസ്‌റ്റേറ്റ്, നിര്‍മാണ മേഖലയിലെ സിവില്‍ എഞ്ചിനീയര്‍മാര്‍ക്കായി വര്‍മ്മ ഫൗണ്ടേഷന്‍ സംഘടിപ്പിക്കുന്ന സ്‌കില്‍ബ്രിഡ്ജ്, സ്‌കില്‍ ഡെവലപ്‌മെന്റ് സര്‍ട്ടിഫിക്കറ്റ് പ്രോഗ്രാമിന്റെ ഉദ്ഘാടനം പനമ്പിള്ളി നഗറിലുള്ള കെഎംഎ ഹൗസില്‍ ഹൈബി ഈഡന്‍ എംപി നിര്‍വഹിച്ചു.
വര്‍മ്മ ഹോംസ് എംഡി കെ. അനില്‍വര്‍മ്മ, ആര്‍ക്കിടെക്ട് പ്രൊഫ. ബി. ആര്‍. അജിത്, ഡോ. മിനി വര്‍മ്മ, വൈശാഖ് വര്‍മ്മ എന്നിവര്‍ ചടങ്ങില്‍ സംബന്ധിച്ചു. എഞ്ചിനീയറിങ്, ഐടിഐ, ഡിപ്ലോമ കഴിഞ്ഞ, സാമ്പത്തികമായി പിന്നാക്കം നില്‍ക്കുന്ന യുവതീയുവാക്കള്‍ക്ക് റിയല്‍ എസ്‌റ്റേറ്റ്, നിര്‍മാണ മേഖലയില്‍ ആവശ്യമായ ജോലി പരിചയം ഉറപ്പേകുന്ന പദ്ധതി സൗജന്യമായാണ് നടപ്പാക്കുന്നതെന്ന് ഡോ. മിനി വര്‍മ്മ അറിയിച്ചു. കെട്ടിടനിര്‍മാണ മേഖലയില്‍ ഒന്നോ രണ്ടോ വര്‍ഷം പ്രവൃത്തി പരിചയമുള്ള സിവില്‍ എഞ്ചിനീയറിങ്, ഐടിഐ, ഡിപ്ലോമ കഴിഞ്ഞ യുവതീയുവാക്കള്‍ക്ക് അപേക്ഷിക്കാം. പ്രായപരിധി 30 വയസ്.
ആറുമാസത്തെ പദ്ധതി വിജയകരമായി പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റ് നല്‍കും. കേരളത്തില്‍ വര്‍മ്മ ഹോംസിന്റെ പ്രൊജക്ടുകളിലായി ശനിയാഴ്ച ദിവസങ്ങളിലാകും പരിശീലനം. പ്രൊഫസര്‍മാര്‍, ആര്‍ക്കിടെക്റ്റുകള്‍, കണ്‍സള്‍ട്ടന്റുമാര്‍, കോണ്‍ട്രാക്ടര്‍മാര്‍ എന്നിവരുള്‍പ്പെടെ വര്‍മ്മ ഹോംസിന്റെ ഇന്‍ഹൗസിലേയും മറ്റു സ്ഥാപനങ്ങളിലേയും പ്രൊഫഷണലുകളുടെ സഹകരണത്തോടെയാണ് പദ്ധതി നടപ്പാക്കുന്നത്.
പ്രതികരിക്കാൻ ഇവിടെ എഴുതുക: