കോഴിക്കോട്: മലയാളത്തെ അനാഥമാക്കി വിഖ്യാത സാഹിത്യകാരന് എം ടി വാസുദേവന് നായര് മടങ്ങി. മലയാള സാഹിത്യത്തില് എം.ടി. അനശ്വരനായ എക്കാലത്തെയും പ്രതിഭയായി നിലനില്ക്കും. നോവലിസ്റ്റ്, തിരക്കഥാകൃത്ത്, ചലച്ചിത്രസംവിധായകന്, സാഹിത്യകാരന്, നാടകകൃത്ത് എന്നീ നിലകളില് പ്രശസ്തനായ എം.ടി സാഹിത്യത്തിനും സിനിമക്കും അപൂര്വ്വമായ സംഭാവനകള് നല്കിയാണ് വിടവാങ്ങിയത്.
വൈകിട്ട് നാലുവരെ കോഴിക്കോട് കൊട്ടാരം റോഡിലെ വസതി ‘സിതാര’ യില് എത്തി അന്തിമോപചാരം അര്പ്പിക്കാം. വൈകിട്ട് അഞ്ചിന് മാവൂര് റോഡ് ശ്മശാനത്തിലാണ് സംസ്കാരം നടക്കുക. എംടിയോടുള്ള ആദരസൂചകമായി ഇന്നും നാളെയും സംസ്ഥാന സര്ക്കാര് ഔദ്യോഗിക ദുഃഖാചരണം പ്രഖ്യാപിച്ചു. കോഴിക്കോട് ബേബി മെമ്മോറിയല് ആശുപത്രിയില് ചികിത്സയിലിരിക്കെ മരിച്ച എം ടിയുടെ വിയോഗ വാര്ത്തയറിഞ്ഞ് നിരവധി പേര് ആശുപത്രി പരിസരത്തും എത്തിയിരുന്നു. ഡിസംബര് 16 ന് പുലര്ച്ചെയാണ് എംടിയെ ആശുപത്രിയില് പ്രവേശിപ്പിച്ചത്. എം ടിയുടെ ആഗ്രഹപ്രകാരം പൊതുദര്ശനം ഒഴിവാക്കിയിട്ടുണ്ട്.
1933ല് പുന്നയൂര്ക്കുളത്ത് ജനിച്ച രസതന്ത്രത്തില് പഠനം പൂര്ത്തിയാക്കിയ ശേഷം അധ്യാപകനായും പത്രാധിപനായും എം.ടി. സേവനമനുഷ്ഠിച്ചു. സാഹിത്യജീവിതം ചെറുപ്പത്തില് തന്നെ തുടങ്ങി. ആദ്യ നോവല് ‘നാലുകെട്ട്’ 1958ല് പ്രസിദ്ധീകരിച്ചു. 1954ല് മാതൃഭൂമിയുടെ ചെറുകഥാമത്സരത്തില് ‘വളര്ത്തുമൃഗങ്ങള്’ ഒന്നാം സ്ഥാനം നേടിയത് സാഹിത്യജീവിതത്തിന് മികച്ച തുടക്കമായി. 1958ല് പ്രസിദ്ധീകരിച്ച ആദ്യനോവല് ‘നാലുകെട്ട്’ കേരള സാഹിത്യ അക്കാദമി പുരസ്കാരം നേടി. ‘സ്വര്ഗ്ഗം തുറക്കുന്ന സമയം’, ‘ഗോപുരനടയില്’ തുടങ്ങിയ രചനകള്ക്ക് അനവധി പുരസ്കാരങ്ങള് ലഭിച്ചു. ‘പാതിരാവും പകല്വെളിച്ചവും’, ‘കാലം’, ‘രണ്ടാമൂഴം’, ‘ഗോപുരനടയില്’ തുടങ്ങിയ കൃതികള് ഏറെ വായിക്കപ്പെട്ടു.
‘മുറപ്പെണ്ണ്’ എന്ന കഥയുടെ തിരക്കഥയെഴുതിയാണ് എം.ടി.യുടെ ചലച്ചിത്രരംഗത്തേക്കുള്ള പ്രവേശനം. ‘നിര്മാല്യം’ (1973) ദേശീയ പുരസ്കാരം നേടിയപ്പോള് എം.ടി. ചലച്ചിത്ര സംവിധായകനെന്ന നിലയിലും ലോകം അംഗീകരിച്ചു. ‘ഓരു വടക്കന് വീരഗാഥ’, ‘കടവ്’, ‘സദയം’, ‘വാനപ്രസ്ഥം’ തുടങ്ങിയ സിനിമകള്ക്ക് ദേശീയ തിരക്കഥയിലൂടെ അവാര്ഡുകള് ലഭിച്ചു.
ജ്ഞാനപീഠ പുരസ്കാരം (1995), പത്മഭൂഷണ് (2005), കേരള സാഹിത്യ അക്കാദമി പുരസ്കാരങ്ങള്, ദേശീയ ചലച്ചിത്ര പുരസ്കാരങ്ങള് തുടങ്ങി ധാരാളം അംഗീകാരങ്ങള് എം.ടി.യെ തേടിയെത്തി. എം.ടി.യുടെ കൃതികള് നിരവധി ഇന്ത്യന് ഭാഷകളിലേക്കും വിദേശഭാഷകളിലേക്കും പരിഭാഷ ചെയ്യപ്പെട്ടു.
എം.ടി.യുടെ ആദ്യ ഭാര്യ പ്രമീളയും രണ്ടാം ഭാര്യ കലാമണ്ഡലം സരസ്വതിയും സാഹിത്യ-കലാരംഗങ്ങളില് പ്രഗല്ഭരാണ്. മൂത്തമകള് സിതാര അമേരിക്കയില് ബിസിനസ് മേഖലയില് പ്രവര്ത്തിക്കുന്നു. രണ്ടാമത്തെ മകള് അശ്വതി പ്രശസ്ത നര്ത്തകിയാണ്.
