തൃശൂര്‍:കൊടുങ്ങല്ലൂര്‍ പടിഞ്ഞാറെ ടിപ്പുസുല്‍ത്താന്‍ റോഡില്‍ വാഹനാപകടത്തില്‍ വിദ്യാര്‍ത്ഥി മരിച്ചു. കാര അഞ്ചങ്ങാടിയില്‍ ലോറിയ്‌ക്ക് പിന്നില്‍ സ്‌കൂട്ടറിടിച്ചാണ് അപകടം.
കയ്പമംഗലം കുറ്റിക്കാട്ട് സ്വദേശി മേനാലി അന്‍സറിന്റെ മകന്‍ അഫ്‌നാന്‍ റോഷന്‍ (16) ആണ് മരിച്ചത്. പെരിഞ്ഞനം കിഴക്ക് ഭാഗത്താണ് ഇവര്‍ താമസിച്ച് വന്നത്. ഒപ്പമുണ്ടായിരുന്ന സുഹൃത്ത് മതിലകം കൂളിമുട്ടം സ്വദേശി കൂട്ടുങ്ങള്‍ നസ്മലിന് പരിക്കേറ്റു.
തിങ്കളാഴ്ച ഉച്ചയ്‌ക്ക് പന്ത്രണ്ടരയോടെ അഞ്ചങ്ങാടി സ്‌കൂളിന് മുന്നിലായിരുന്നു അപകടം. ഇവരെ കൊടുങ്ങല്ലൂര്‍ എ ആര്‍ ആശുപത്രിയില്‍ എത്തിച്ചെങ്കിലും അഫ്‌നാനെ രക്ഷിക്കാനായില്ല. പെരിഞ്ഞനം ആര്‍.എം. ഹൈസ്‌കൂളിലെ പ്ലസ് ടു വി.എച്ച്.എസ്.ഇ. വിദ്യാര്‍ത്ഥിയാണ് മരിച്ച അഫ്‌നാന്‍ റോഷന്‍.
പ്രതികരിക്കാൻ ഇവിടെ എഴുതുക: