സഹകരണ സംഘം/ബാങ്കുകളില് ജൂനിയര് ക്ലര്ക്ക്, ടൈപ്പിസ്റ്റ്, ഡാറ്റാ എന്ട്രി ഓപ്പറേറ്റര്: ഒഴിവുകള് 290
വിശദവിവരങ്ങളടങ്ങിയ വിജ്ഞാപനം www.keralacseb.kerala.gov.in ല്
അസിസ്റ്റന്റ് സെക്രട്ടറി/അക്കൗണ്ടന്റ്, സെക്രട്ടറി, സിസ്റ്റം അഡ്മിനിസ്ട്രേറ്റര് തസ്തികകളിലേക്കും അപേക്ഷിക്കാം
ജനുവരി 10 വരെ ഓണ്ലൈനായി അപേക്ഷകള് സ്വീകരിക്കും
സംസ്ഥാനത്തെ വിവിധ സഹകരണസംഘം/ബാങ്കുകളില് വിവിധ തസ്തികകളിലേക്ക് തെരഞ്ഞെടുക്കപ്പെടുന്നതിനായി സഹകരണ സര്വ്വീസ് പരീക്ഷാ ബോര്ഡ് (ഡിപിഐ ജംഗ്ഷന്, തൈക്കാട് പിഒ, തിരുവനന്തപുരം 14) അപേക്ഷകള് ക്ഷണിച്ചു. നേരിട്ടുള്ള നിയമനമാണ്. പരീക്ഷാ ബോര്ഡ് നടത്തുന്ന ഒഎംആര് പരീക്ഷയുടെയും ബന്ധപ്പെട്ട സഹകരണ സ്ഥാപനങ്ങള് നടത്തുന്ന അഭിമുഖത്തിന്റെയും അടിസ്ഥാനത്തില് തയ്യാറാക്കുന്ന റാങ്ക്ലിസ്റ്റ് പ്രകാരമാണ് നിയമനം. വിശദവിവരങ്ങളടങ്ങിയ വിജ്ഞാപനം www.keralacseb.kerala.gov.in ല് ലഭിക്കും.
ജൂനിയര് ക്ലര്ക്ക് (കാറ്റഗറി നമ്പര് 13/2024), വിവിധ സഹകരണസംഘം/ബാങ്കുകളിലായി 263 ഒഴിവുകള്. ഓരോ സ്ഥാപനത്തിലും ലഭ്യമായ ഒഴിവുകള്, ശമ്പള നിരക്ക്, സംവരണം അടക്കമുള്ള വിവരങ്ങള് വിജ്ഞാപനത്തിലുണ്ട്. വിദ്യാഭ്യാസ യോഗ്യത-എസ്എസ്എല്സി/തത്തുല്യം, ജൂനിയര് ഡിപ്ലോമ ഇന് കോ-ഓപ്പറേഷന് (ജെഡിസി), ബികോം (സഹകരണം) ബിരുദവും സഹകരണ ഹയര് ഡിപ്ലോമ (എച്ഡിസി)എച്ഡിസി& ബിഎംയോഗ്യതും-അല്ലെങ്കില് ബിഎസ്സി (സഹകരണം ആന്റ് ബാങ്കിങ്) ബിരുദം ഉള്ളവരെയും പരിഗണിക്കും. പ്രായപരിധി 1.1.2024 ല് 18-40 വയസ്.
ടൈപ്പിസ്റ്റ് (കാറ്റഗറി നമ്പര് 16/2024) ഒഴിവ് 1 (ജനറല്), ശമ്പള നിരക്ക് 18300-46830 രൂപ. യോഗ്യത: എസ്എസ്എല്സി/തത്തുല്യം, കെജിറ്റിഇ ഇംഗ്ലീഷ്, മലയാളം ടൈപ്പ്റൈറ്റിങ് ലോവര്. പ്രായപരിധി 18-40 വയസ്.
ഡാറ്റാ എന്ട്രി ഓപ്പറേറ്റര് (കാറ്റഗറി നമ്പര് 15/2024), വിവിധ സ്ഥാപനങ്ങളിലായി 7 ഒഴിവുകള്. യോഗ്യത: ബിരുദവും ഡാറ്റാ എന്ട്രി കോഴ്സ് പാസായ അംഗീകൃത സര്ട്ടിഫിക്കറ്റും, ഒരുവര്ഷത്തെ പ്രവൃത്തി പരിചയവും. പ്രായപരിധി 18-40 വയസ്.
അസിസ്റ്റന്റ് സെക്രട്ടറി/ചീഫ് അക്കൗണ്ടന്റ്/അക്കൗണ്ടന്റ്/ഇന്റേണല് ഓഡിറ്റര് (കാറ്റഗറി നമ്പര് 12/2024), ഒഴിവുകള്- വിവിധ സ്ഥാപനങ്ങളിലായി 15. യോഗ്യത: 50 ശതമാനം മാര്ക്കോടെ ബിരുദവും സഹകരണ ഹയര് ഡിപ്ലോമയും. അല്ലെങ്കില് എച്ച്ഡിസി ആന്റ് ബിഎം/ബികോം/ബിഎസ്സി അല്ലെങ്കില് എംഎസ്സി (സഹകരണം ആന്റ് ബാങ്കിങ്) (50% മാര്ക്കില് കുറയരുത്). പ്രായപരിധി 18-40 വയസ്.
സെക്രട്ടറി (കാറ്റഗറി നമ്പര് 11/2024), വിവിധ സ്ഥാപനങ്ങളിലായി 3 ഒഴിവുകള്. യോഗ്യത: ബിരുദവും എച്ച്ഡിസി ആന്റ് ബിഎമ്മും സഹകരണ ബാങ്കില്നിന്നും അക്കൗണ്ടന്റ് തസ്തികയില് 7 വര്ഷത്തെ പ്രവൃത്തിപരിചയവും. അല്ലെങ്കില് ബിഎസ്സി (സഹകരണം ആന്റ് ബാങ്കിങ്) ബിരുദവും 5 വര്ഷത്തെ പ്രവൃത്തിപരിചയവും, അല്ലെങ്കില് എംബിഎ/എംകോം (ഫിനാന്സ്) അല്ലെങ്കില് ബികോം (സഹകരണം) ബിരുദവും അക്കൗണ്ടന്റായി 7 വര്ഷത്തെ പരിചയവും. പ്രായപരിധി 18-40 വയസ്.
സിസ്റ്റം അഡ്മിനിസ്ട്രേറ്റര് (കാറ്റഗറി നമ്പര് 14/2024), ഒഴിവ് 1 (ജനറല്), ശമ്പള നിരക്ക് 24730-68810 രൂപ. യോഗ്യത: ഫസ്റ്റ് ക്ലാസ് ബിടെക് (കമ്പ്യൂട്ടര് സയന്സ്/ഐടി/ഇസി/എംസിഎ/എംഎസ്സി, സിഎസ്/ഐടി) (റെഡ്ഹാറ്റ് സര്ട്ടിഫിക്കേഷന് അഭിലഷണീയം), ബന്ധപ്പെട്ട മേഖലകളില് 3 വര്ഷത്തില് കുറയാതെ പ്രവൃത്തിപരിചയം. പ്രായപരിധി 18-40 വയസ്.
പ്രായപരിധിയില് നിയമാനുസൃത വയസ്സിളവ് ലഭിക്കും. ഒരാള്ക്ക് ഒന്നില് കൂടുതല് സ്ഥാപനങ്ങളിലേക്ക് അപേക്ഷിക്കാം. ഫീസ് ഒരു സംഘം/ബാങ്കിന് അപേക്ഷിക്കുന്നതിന്
150 രൂപയും തുടര്ന്നുള്ള ഓരോന്നിനും 50 രൂപ വീതവുമാണ്. വിജ്ഞാപനത്തിലെ നിര്ദ്ദേശങ്ങള് പാലിച്ച് യോഗ്യരായ ഉദ്യോഗാര്ത്ഥികള്ക്ക് വെബ്സൈറ്റ് വഴി ജനുവരി 10 വരെ ഓണ്ലൈനായി അപേക്ഷിക്കാവുന്നതാണ്. അപേക്ഷയുടെ പ്രിന്റൗട്ട് എടുത്ത് സൂക്ഷിക്കുകയും വേണം.
ക്ലിനിക്കൽ സൂപ്പർവൈസർ ഒഴിവ്
നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആൻഡ് ഹിയറിങ് (നിഷ്) കോളേജ് ഓഫ് ഒക്യുപേഷണൽ തെറാപ്പിയിൽ ക്ലിനിക്കൽ സൂപ്പർവൈസർ തസ്തികയിലേക്ക് അപേക്ഷ ക്ഷണിച്ചു. തിരഞ്ഞെടുക്കപ്പെടുന്ന ഉദ്യോഗാർഥികൾക്ക് പ്രതിമാസ സ്റ്റൈപ്പന്റ് ലഭിക്കും. ഡിസംബർ 31 വരെ അപേക്ഷിക്കാം. കൂടുതൽ വിവരങ്ങൾക്ക് വെബ്സൈറ്റ്: http://nish.ac.in/others/career.
ഐ എച്ച് ആർ ഡി തളിപ്പറമ്പിൽ ലാ കോളേജ് ആരംഭിക്കും
ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സ് ഡെവലപ്മെന്റ് (ഐ എച്ച് ആർ ഡി) കണ്ണൂർ തളിപ്പറമ്പിൽ ലാ കോളേജ് ആരംഭിക്കുന്നു. പുതിയ ലാ കോളേജ് ആരംഭിക്കുന്നതിന് സർക്കാർ ഭരണാനുമതി നൽകി. സർക്കാരും കണ്ണൂർ സർവകലാശാലയും ബാർ കൗൺസിൽ ഓഫ് ഇന്ത്യയും അനുമതി നൽകുന്ന വിവിധ നിയമ പഠന കോഴ്സുകളിൽ വിദ്യാർഥികൾക്ക് സർക്കാർ ഫീസ് ഘടനയിൽ പഠിക്കുവാൻ കഴിയും. അന്താരാഷ്ട്ര നിലവാരത്തിലുള്ള കോളേജ് ഓഫ് അഡ്വാൻസ്ഡ് ലീഗൽ സ്റ്റഡീസ് സ്ഥാപിക്കാനാണ് ഐ എച്ച് ആർ ഡി ഉദ്ദേശിക്കുന്നതെന്ന് ഡയറക്ടർ അറിയിച്ചു.
രജിസ്ട്രേഷൻ
2025 മാർച്ചിൽ നടക്കുന്ന റ്റി.എച്ച്.എസ്.എൽ.സി, റ്റി.എച്ച്.എസ്.എൽ.സി (എച്ച്.ഐ), എസ്.എസ്.എൽ.സി (എച്ച്.ഐ) പരീക്ഷകളുടെ രജിസ്ട്രേഷൻ ഡിസംബർ 27ന് ആരംഭിക്കും. രജിസ്ട്രേഷൻ നടപടികൾ ജനുവരി 4ന് മുമ്പ് പൂർത്തിയാക്കണം. യൂസർ മാനുവലിൽ ഉൾപ്പെടുത്തിയിട്ടുള്ള സമയക്രമത്തിൽ മാറ്റം അനുവദിക്കില്ല.
കമ്പ്യൂട്ടർ ടെക്നീഷ്യൻ ഒഴിവ്
തിരുവനന്തപുരം ഐഎച്ച്ആർഡി റീജിയണൽ സെന്ററിലുള്ള പ്രൊഡക്ഷൻ ആൻഡ് മെയിന്റനൻസ് വിഭാഗത്തിൽ സർവീസ് ടെക്നീഷ്യൻ ഒഴിവിലേക്ക് കരാർ അടിസ്ഥാനത്തിൽ അപേക്ഷ ക്ഷണിച്ചു. കമ്പ്യൂട്ടർ/ഇലക്ട്രോണിക് എന്നീ വിഷയങ്ങളിൽ ഏതിലെങ്കിലും ത്രിവത്സര – എഞ്ചിനിയറിംഗ് ഡിപ്ലോമ/ ബി.എസ്.സി/ ഐ.ടി.ഐ/ വി.എച്ച്.എസ്.സി യോഗ്യതയും പ്രവർത്തി പരിചയവുമുള്ളവർക്ക് https://pmdamc.ihrd.ac.in/ വെബ്സൈറ്റിൽ ഡിസംബർ 30വരെ ഓൺലൈനായി അപേക്ഷ സമർപ്പിക്കാം. കൂടുതൽ വിവരങ്ങൾക്ക്: 0471-2550612
തീയതി നീട്ടി
നാഷണൽ കമ്മിഷൻ ഫോർ ഇന്ത്യൻ സിസ്റ്റം ഓഫ് മെഡിസിന്റെ വെബ്സൈറ്റിൽ പ്രസിദ്ധീകരിച്ച കേരള നാഷണൽ രജിസ്റ്ററിൽ ഉൾപ്പെട്ടിട്ടില്ലാത്ത ഐ.എസ്.എം രജിസ്ട്രേഡ് പ്രാക്ടീഷണർമാർക്ക് മെഡിക്കൽ കൗൺസിൽ വെബ്സൈറ്റിൽ പ്രസിദ്ധീകരിച്ച ഗൂഗിൾ ഫോമിൽ വിവരങ്ങൾ നൽകുന്നതിനുള്ള അവസാന തീയതി ഡിസംബർ 31 വരെ നീട്ടി. ലിസ്റ്റിൽ ഉൾപ്പെട്ടിട്ടുള്ളവർ ഗൂഗിൾ ഫോമിൽ വീണ്ടു പേര് ചേർക്കേണ്ടതില്ല.
നിയുക്തി മിനി തൊഴിൽ മേള ഡിസംബർ 28ന്
ജില്ലാ എംപ്ലോയ്മെന്റ് എക്സ്ചേഞ്ച്, എംപ്ലോയബിലിറ്റി സെന്റർ എന്നിവയുടെ ആഭിമുഖ്യത്തിൽ ഡിസംബർ 28നു കഴക്കൂട്ടം വിമൻസ് ഐ.ടി.ഐയിൽ നിയുക്തി 2024 മിനി തൊഴിൽ മേള സംഘടിപ്പിക്കും. ഐടി, ഓട്ടോമൊബൈൽ, മാർക്കറ്റിങ് തുടങ്ങിയ രംഗങ്ങളിലുള്ള പ്രമുഖ തൊഴിൽ ദായകർ പങ്കെടുക്കും. 10, പ്ലസ്ടു, ഐ.ടി.ഐ, ഡിപ്ലോമ, ബിരുദം, ബിരുദാനന്തര ബിരുദം, ബി.ടെക്, ട്രാവൽ ആൻഡ് ടൂറിസം യോഗ്യതയുള്ളവർക്ക് അവസരമുണ്ട്. കൂടുതൽ വിവരങ്ങൾക്ക്: 8921916220, 0471-2992609.
സൗജന്യ അഭിമുഖ പരിശീലനം
യു.പി.എസ്.സി 2024 ൽ നടത്തിയ സിവിൽ സർവീസ് മെയിൻസ് പരീക്ഷ പാസായി അഭിമുഖത്തിന് യോഗ്യത നേടിയ കേരളത്തിൽ നിന്നുള്ള ഉദ്യോഗാർഥികൾക്കായി കേരള സ്റ്റേറ്റ് സിവിൽ സർവീസ് അക്കാഡമി അഡോപ്ഷൻ സ്കീം പ്രകാരം ന്യൂഡൽഹിയിൽ സൗജന്യ അഭിമുഖ പരിശീലനം സംഘടിപ്പിക്കുന്നു. ന്യൂഡൽഹി കേരള ഹൗസിൽ സൗജന്യ താമസ – ഭക്ഷണ സൗകര്യം, അഭിമുഖത്തിനായി ന്യൂഡൽഹിയിലേക്കും തിരിച്ചുമുള്ള സൗജന്യ വിമാന / തീവണ്ടി ടിക്കറ്റ് ചാർജ് എന്നിവ നൽകും. അഭിമുഖ പരിശീലനത്തിനായി https://kscsa.org വെബ്സൈറ്റിൽ രജിസ്റ്റർ ചെയ്യണം. ന്യൂഡൽഹി കേരള ഹൗസിൽ താമസത്തിനായി KSCSA യിൽ നിശ്ചിത ഫോമിൽ അപേക്ഷ സമർപ്പിക്കണം. കൂടുതൽ വിവരങ്ങൾക്ക്: 8281098863, 8281098861.
പഠനം, തൊഴില്, പരീക്ഷ, അപേക്ഷ: കോമേഴ്സ് ബിരുധാരികൾക്ക് യു എസ് അക്കൗണ്ടിംഗ് മേഖലയിൽ വമ്പൻ അവസരം
