കൊച്ചി: കളമശേരി മെഡിക്കല്‍ കോളേജില്‍ 34 കാരിക്ക് മരുന്ന് നല്‍കിയത് 61 കാരിയുടെ എക്‌സ്‌റേ റിപ്പോര്‍ട്ടിന്റെ അടിസ്ഥാനത്തിലാണെന്നാണ് പരാതി. കളമശ്ശേരി സ്വദേശി അനാമികയ്‌ക്കാണ് ലതികയുടെ എക്‌സ്‌റേ റിപ്പോര്‍ട്ട് അനുസരിച്ച് ചികിത്സ നല്‍കിയത്.
ചികിത്സിച്ച ഡോക്ടര്‍ക്കും എക്‌സ്‌റേ വിഭാഗത്തിനുമെതിരെ അനാമിക പരാതി നല്‍കി.
നടുവേദനയും കാലുവേദനയും കാരണമാണ് അനാമിക ആശുപത്രിയില്‍ ചികിത്സയ്‌ക്കെത്തിയത്. എക്‌സ്‌റേ റിപ്പോര്‍ട്ട് പരിശോധിച്ച ഡോക്ടര്‍ പ്രായാധിക്യം മൂലമുള്ള തേയ്മാനമെന്ന് പറഞ്ഞതായി അനാമിക വ്യക്തമാക്കി. തുടര്‍ന്ന് വീട്ടിലെത്തി എക്‌സ്‌റേ റിപ്പോര്‍ട്ട് പരിശോധിച്ചപ്പോഴാണ് തന്റെ എക്‌സ്‌റേ റിപ്പോര്‍ട്ട് അല്ല എന്ന് മനസിലായതെന്ന് അനാമിക വെളിപ്പെടുത്തി.
തിരക്കിനിടെ എക്‌സ്‌റേ റിപ്പോര്‍ട്ട് മാറിപ്പോയെന്ന് റേഡിയോളജിസ്റ്റ് പറഞ്ഞതായും അനാമിക പരാതിയില്‍ പറയുന്നു. ആശുപത്രി സൂപ്രണ്ടിനും പൊലീസിനും കുടുംബം പരാതി നല്‍കി.ആരോഗ്യമന്ത്രിക്കും യുവതി പരാതി നല്‍കിയിട്ടുണ്ട്. വിശദ അന്വേഷണം നടത്തുമെന്ന് മെഡിക്കല്‍ കോളേജ് സൂപ്രണ്ട് വ്യക്തമാക്കി.
പ്രതികരിക്കാൻ ഇവിടെ എഴുതുക: