മുംബൈ: രാജ്യത്തെ ജയിലുകളിലും ജുവൈനല് ഹോമുകളിലും ശിക്ഷ അനുഭവിക്കുന്നവരുടെ പുനരധിവാസത്തിനും ക്ഷേമത്തിനുമായുള്ള ഇന്ത്യന് ഓയില് കോര്പ്പറേഷന്റെ പദ്ധതിയായ പരിവര്ത്തന്-പ്രിസണ് ടു പ്രൈഡിന്റെ ഒമ്പതാം ഘട്ടവും നയി ദിശ ആറാം ഘട്ടവും ഐഒസി ചെയര്മാന് എ. എസ്. സാഹ്നി ഉദ്ഘാടനം ചെയ്തു.
ഈ ഘട്ടത്തില് രാജ്യത്തെ 28 ജയിലുകളിലും 14 ജുവൈനല് ഹോമുകളിലും കഴിയുന്ന 1650-ലധികം പേര് പദ്ധതിയുടെ ഗുണഭോക്താക്കളാകും. കഴിഞ്ഞ 38 മാസത്തിനിടെ ഐഒസി ഈ പദ്ധതി 29 സംസ്ഥാനങ്ങളിലേക്കും കേന്ദ്രഭരണപ്രദേശങ്ങളിലേക്കും വ്യാപിപ്പിക്കുക വഴി 7300-ലധികം തടവുകാരുടെ ക്ഷേമത്തിനായി പ്രവര്ത്തിച്ചിട്ടുണ്ട്.
2021 ആഗസ്ത് 15-ന് ആസാദി കാ അമൃത് മഹോത്സവത്തിന്റെ ഭാഗമായാണ് പരിവര്ത്തന്-പ്രിസണ് ടു പ്രൈഡ് ആരംഭിച്ചത്. പദ്ധതിയുടെ ഭാഗമായി രാജ്യത്താകെ 8950 ജയില്-ജുവൈനല് ഹോം അന്തേവാസികള്ക്ക് വിവിധ കായിക ഇനങ്ങളില് പരിശീലനവും കിറ്റുകള് അടക്കമുള്ള സ്പോര്ട്സ് സാമഗ്രികളും നല്കുന്നതായി സാഹ്നി പറഞ്ഞു.
2024-ല് നാലാമത് ഫിഡെ ഇന്റര് കോണ്ടിനെന്റല് ഓണ്ലൈന് ചെസ് ചാമ്പ്യന്ഷിപ്പില് ഐഒസി പരിശീലനം നേടിയ ഭോപ്പാല് ജുവൈനല് ഹോമിലെ അന്തേവാസി സ്വര്ണവും ഏലൂര് ജുവൈനല് ഹോമിലെ അന്തേവാസി വെങ്കലവും നേടി.
