ന്യൂയോര്ക്ക്: കനേഡിയന് പ്രധാനമന്ത്രി ജസ്റ്റിന് ട്രൂഡോയെ വീണ്ടും പരിഹസിച്ച് നിയുക്ത യുഎസ് പ്രസിഡന്റ് ഡൊണാള്ഡ് ട്രംപ്. ‘ഗവര്ണര് ജസ്റ്റിന് ട്രൂഡോ ഓഫ് ദി ഗ്രേറ്റ് സ്റ്റേറ്റ് ഓഫ് കാനഡ’ എന്നു വിശേഷിപ്പിച്ചാണ് ട്രംപ് പരിഹസിച്ചത്.
ട്രംപുമായി കഴിഞ്ഞ ദിവസം ട്രൂഡോ കൂടിക്കാഴ്ച നടത്തിയിരുന്നു. നികുതി വര്ധന സംബന്ധിച്ച് പരാതിപ്പെട്ടപ്പോഴാണ് നികുതി ഒഴിവാക്കണമെങ്കില് കാനഡയ്ക്ക് അമേരിക്കയുടെ 51-ാമത് സംസ്ഥാനമായി മാറാമെന്നും ട്രൂഡോയെ ഗവര്ണറായി നിയമിക്കാം എന്നും പറഞ്ഞാണ് അന്ന് ട്രംപ് പരിഹസിച്ചത്. ട്രൂത്ത് സോഷ്യല് എന്ന സാമൂഹ മാധ്യമത്തിലൂടെ ട്രംപ് പരിഹസിച്ചത്. ഫ്ളോറിഡയിലെ വെസ്റ്റ് പാം ബീച്ചിലുള്ള ട്രംപിന്റെ മാര് എ ലാഗോ റിസോര്ട്ടില് ഇരുവരും കൂടിക്കാഴ്ച നടത്തി രണ്ടാഴ്ചക്കുശേഷമാണ് ട്രംപിന്റെ പരാമര്ശം.
‘ഗ്രേറ്റ് സ്റ്റേറ്റ് ഓഫ് കാനഡയുടെ ഗവര്ണര് ജസ്റ്റിന് ട്രൂഡോയ്ക്കൊപ്പം കഴിഞ്ഞ രാത്രി അത്താഴം കഴിച്ചത് സന്തോഷം നല്കിയ കാര്യമായിരുന്നു. നികുതിയും വ്യാപാരവും സംബന്ധിച്ച അഴത്തിലുള്ള ചര്ച്ചകള് തുടരുന്നതിന് ഗവര്ണറെ ഉടന് കാണാന് ഞാന് ആഗ്രഹിക്കുന്നു. ഇതിന്റെ ഫലം മനോഹരമായിരിക്കും.’ ട്രംപ് കുറിച്ചു.
