പ്രശസ്ത ജാപ്പനീസ് നടിയും ഗായികയുമായ മിയോ നകയാമയെ മരിച്ച നിലയിൽ കണ്ടെത്തി. 54 വയസ്സായിരുന്നു. ടോക്യോയിലെ വീടിനുള്ളിലെ ബാത്ത് ടബ്ബിനുള്ളിലാണ് മിയോ നകയാമയെ കണ്ടെത്തിയത്. മരണവിവരം താരത്തിന്റെ ടീം വെബ്സൈറ്റിലൂടെ പുറത്തുവിട്ടിട്ടുണ്ട്.
മിയോ നകയാമയുടെ മരണം സംഭവിച്ച് അന്വേഷണം നടക്കുകയാണെന്നും വെബ്സൈറ്റിൽ പോസ്റ്റ് ചെയ്ത കുറിപ്പ് വ്യക്തമാക്കുന്നു. വെള്ളിയാഴ്ച ഒസാകയിൽ ഒരു പരിപാടി ഷെഡ്യൂൾ ചെയ്തിരുന്നെങ്കിലും താരത്തിന്റെ ആരോഗ്യപ്രശ്നങ്ങൾ മൂലം പരിപാടി ക്യാൻസൽ ചെയ്തിരുന്നു.
ജെപോപ്പിലെ പ്രമുഖ താരമാണ് നകയാമ. 80കളിലും 90കളിലുമാണ് താരം ഏറെ പ്രശസ്തിയാർജിച്ചത്. 1995ൽ പുറത്തിറങ്ങിയ ലവ് ലെറ്റർ എന്ന ചിത്രം ആഗോളതലത്തിൽ നിരൂപകപ്രശംസകളേറ്റുവാങ്ങിയ ചിത്രമായിരുന്നു. ഗായികയെന്ന നിലയ്ക്കും നകയാമ പ്രശസ്തി നേടിയിട്ടുണ്ട്.
