കൊല്ലം : ബംഗ്ലാദേശിലെ ന്യൂനപക്ഷ വേട്ടയ്ക്കെതിരെ കൊല്ലം ഹെഡ് പോസ്റ്റ് ഓഫീസിന് മുന്നിൽ പ്രതിഷേധവുമായി ഡി വൈ എഫ് ഐ . ഡി വൈ എഫ് ഐ യുടെ സംസ്ഥാന ട്രഷറർ എസ് ആർ അരുൺ ബാബുവാണ് പ്രതിഷേധം ഉദ്ഘാടനം ചെയ്യുന്നത് .
എന്നാൽ ബംഗ്ലാദേശിലെ ന്യൂനപക്ഷ വേട്ടയ്ക്ക് കൊല്ലത്തെ പോസ്റ്റ് ഓഫീസിന് മുന്നിൽ പ്രതിഷേധം നടത്തുന്നതിന്റെ ഉദേശ്യം മനസിലാകുന്നില്ലെന്നാണ് ഡി വൈ എഫ് ഐ യുടെ പോസ്റ്റ് കണ്ട പലരും കുറിച്ചിരിക്കുന്നത്.
ചിന്നക്കട പോസ്റ്റ് ഓഫീസ് കൊല്ലത്താണ് , ബംഗ്ലാദേശിൽ അല്ലെന്നും ചിലർ ഓർമ്മിപ്പിക്കുന്നുമുണ്ട്.ന്യുനപക്ഷം എന്നത് ലോകം മുഴുവൻ ഒരു പ്രത്യേക മതക്കാർ ആണെന്നാണ് ഇവരുടെ ധാരണ എന്നും , അവിടെ അത് ഹിന്ദുക്കളാണെന്ന് ആരേലും പറഞ്ഞു കൊടുക്കണമെന്നും ചിലർ പറയുന്നു. മുൻപ് ആമസോൺ കാട് കത്തുന്നതിന്റെ പേരിൽ അവധിദിവസം ബ്രസീൽ എംബസിയ്ക്ക് മുന്നിൽ സമരം നടത്തിയ ടീമല്ലേയെന്നാണ് ചിലർ ചോദിക്കുന്നത്.
