നാഗ്പൂര്‍ : രാജ്യത്തെ ജനസംഖ്യ കുറയാതിരിക്കാന്‍ കുടുംബത്തില്‍ കുറഞ്ഞത് മൂന്ന് കുട്ടികളെങ്കിലും ഉണ്ടാകണമെന്ന് ആര്‍എസ്എസ് സര്‍സംഘ ചാലക് മോഹന്‍ ഭഗവത്. നാഗ്പൂരില്‍ ‘കാതലെ കുല്‍ സമ്മേളനത്തില്‍ സംസാരിക്കുകയായിരുന്നു അദ്ദേഹം.
രാജ്യത്തെ ജനസംഖ്യ കുറയുന്നത് ആശങ്കാജനകമാണ്. ഒരു സമൂഹത്തിന്റെ നിലനില്‍പ്പിന് ജനസംഖ്യാ സ്ഥിരത അനിവാര്യമാണ്.
ഒരു കുടുംബത്തിന് കുറഞ്ഞത് മൂന്ന് കുട്ടികളെങ്കിലും വേണമെന്ന് കണക്കുകള്‍ പറയുന്നു എന്നും മോഹന്‍ ഭഗവത് ചൂണ്ടിക്കാട്ടി..
ആധുനിക ജനസംഖ്യാ പഠനങ്ങള്‍ പറയുന്നത് ഒരു സമൂഹത്തിലെ ജനസംഖ്യ 2.1 എന്ന നിരക്കിന് താഴെയാകുമ്പോള്‍ ആ സമൂഹം വംശനാശത്തെ അഭിമുഖീകരിക്കുന്നു എന്നതാണ്. ആ സമൂഹം അപ്രത്യക്ഷമാകാന്‍ ബാഹ്യ ഭീഷണികള്‍ വേണ്ട. അതിനാല്‍, നമ്മുടെ ജനസംഖ്യ 2.1ല്‍ താഴെയാകരുതെന്ന് മോഹന്‍ ഭഗവത് പറഞ്ഞു. ലോകത്ത് നിന്ന് പല ഭാഷകളും സമൂഹങ്ങളും ഇത് കാരണം വേരറ്റുപോയെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: