മൂവാറ്റുപുഴ : കാപ്പ ഉത്തരവ് ലംഘിച്ചയാളെ അറസ്റ്റ് ചെയ്തു. കോതമംഗലം മലയിൻകീഴ് വാളാടിതണ്ട് നഗർ റോഡ് കുടിയാറ്റ് വീട്ടിൽ അലക്സ് (25) നെയാണ് കോതമംഗലം പോലീസ് അറസ്റ്റ് ചെയ്തത്.
ഇയാളെ എറണാകുളം റൂറൽ ജില്ല പോലീസ് മേധാവി ഡോ. വൈഭവ് സക്സേന നൽകിയ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡെപ്യൂട്ടി ഇൻസ്പെക്ടർ ജനറൽ തോംസൺ ജോസ് കഴിഞ്ഞ ഒക്ടോബർ മാസം 26 മുതൽ ഒരു വർഷത്തേക്ക് നാട് കടത്തിയിരുന്നു.
ഉത്തരവ് ലംഘിച്ച് കോതമംഗലം പോലീസ് സ്റ്റേഷനതിർത്തിയിൽ പ്രവേശിച്ച അലക്സിനെ കോതമംഗലം പോലീസ് ഇൻസ്പെക്ടർ പി.റ്റി.ബിജോയ് യുടെ നേതൃത്വത്തിൽ സബ്ബ് ഇൻസ്പെക്ടർമാരായ ഷാഹുൽ ഹമീദ്, ശിവകുമാർ, സീനിയർ സിവിൽ പോലീസ് ഓഫീസർ ജോസ് ബെന്നോ, സിവിൽ പോലീസ് ഓഫീസർ അജിംസ് എന്നിവർ ഉൾപ്പെട്ട സംഘമാണ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
പ്രതികരിക്കാൻ ഇവിടെ എഴുതുക