തൃശൂര് : ദേശീയ പാതയില് പന്നിയങ്കര ടോള് പ്ലാസയില് പ്രദേശവാസികളില് നിന്നും കരാര് കമ്പനി ടോള് പിരിക്കാനൊരുങ്ങുന്നു.വടക്കഞ്ചേരിമണ്ണുത്തി ദേശീയപാത പന്നിയങ്കര ടോള് പ്ലാസയില് ഡിസംബര് 5 മുതല് പ്രദേശവാസികളില് നിന്നും ടോള് പിരിക്കുമെന്ന് കരാര് കമ്പനി അറിയിച്ചു.
2023 മാര്ച്ച് 9 മുതല് പന്നിയങ്കര ടോള് പ്ലാസയില് ടോള് പിരിവ് ആരംഭിച്ചെങ്കിലും പ്രദേശവാസികള്ക്ക് സൗജന്യ യാത്ര അനുവദിച്ചിട്ടുണ്ട്.വടക്കഞ്ചേരി, കിഴക്കഞ്ചേരി, കണ്ണമ്പ്ര, വണ്ടാഴി, പുതുക്കോട് പഞ്ചായത്തുകളെയും തൃശൂര് ജില്ലയിലെ പാണഞ്ചേരി പഞ്ചായത്തിനെയുമാണ് ടോള് പിരിവില് നിന്നും ഒഴിവാക്കിയിട്ടുള്ളത്.
ഈ പഞ്ചായത്തുകളിലുള്ളവര്ക്ക് വാഹനത്തിന്റെ ആര് സി ബുക്ക് കാണിച്ച് സൗജന്യമായി യാത്ര ചെയ്യാമായിരുന്നു. ഇനി മുതല് ഈ പഞ്ചായത്തിലുള്ളവര് മാസപാസ് എടുത്ത് യാത്ര ചെയ്യേണ്ടി വരും. ഇതിന് മുമ്പും നിരവധി തവണ പ്രദേശവാസികളില് നിന്നും ടോള് പിരിക്കാന് കരാറെടുത്ത കമ്പനി ശ്രമിച്ചിരുന്നെങ്കിലും ശക്തമായ പ്രതിഷേധത്തെ തുടര്ന്ന് പിന്മാറുകയായിരുന്നു.
