ചെന്നൈ:15 വര്‍ഷമായി പുറത്തറിയിക്കാതെ കൊണ്ടുനടന്ന പ്രണയം ഒടുവില്‍ തുറന്നുപറഞ്ഞപ്പോള്‍ കീര്‍ത്തി സുരേഷ് എന്ന നടിയ്‌ക്ക് വലിയ താരങ്ങള്‍ മുതല്‍ സാധാരണക്കാരുടെ വരെ പിന്തുണ. 15 വര്‍ഷമായി തുടരുന്നു എന്ന പോസ്റ്റിനൊപ്പം കീര്‍ത്തിയും കാമുകന്‍ ആന്‍റണി തട്ടിലും പുറന്തിരിഞ്ഞുനില്‍ക്കുന്ന ദീപാവലിക്കാലത്തെ ഒരു ഫോട്ടോയാണ് കീര്‍ത്തിസുരേഷ് പങ്കുവെച്ചത്.
ഈ ഫോട്ടോയ്‌ക്ക് കിട്ടിയത് 13.66 ലക്ഷം ലൈക്കുകളാണെങ്കില്‍ 4715 കമന്‍റുകളാണ് ലഭിച്ചത്. കമന്‍റ് ചെയ്തവരില്‍ ടൊവിനോ തോമസ് ഉള്‍പ്പെടെ ഒട്ടേറെ താരങ്ങള്‍ ഉള്‍പ്പെടുന്നു. ലൈക്ക് ചെയ്തവരില്‍ തൃഷ, സാമന്ത റൂത്ത് പ്രഭു, പ്രിയങ്ക മോഹന്‍, മഞ്ജിമ മോഹന്‍, മാളവിക മോഹനന്‍, രാഷി ഖന്ന,ഹന്‍സിക എന്നിങ്ങനെ തെന്നിന്ത്യന്‍ നടിമാരും ഉണ്ട്.
വെനീഷ്യന്‍ ബ്ലൈന്‍ഡ്സിന്റെ ബിസിനസ്, റിസോര്‍ട്ട് ശൃംഖല ഉടമ
ഡിസംബര്‍ 11-12 ന് ഗോവയില്‍ വെച്ച് വിവാഹമെന്ന് നടി ഈയിടെ തിരുപ്പതി സന്ദര്‍ശനവേളയില്‍ വെളിപ്പെടുത്തിയതായും വാര്‍ത്തയുണ്ട്. അടുത്ത ബന്ധുക്കളും സുഹൃത്തുക്കളും മാത്രം പങ്കുകൊള്ളുന്ന സ്വകാര്യച്ചടങ്ങായിരിക്കും ഇതെന്നും പറയപ്പെടുന്നു. സ്കൂള്‍ കാലം മുതല്‍ സുഹൃത്തായിരുന്ന ആന്‍റണി തട്ടിലുമായി കോളേജിലും ബന്ധം തുടര്‍ന്നു. കൊച്ചിക്കാരനാണ് ആന്‍റണി തട്ടില്‍. നേരത്തെ ഖത്തറില്‍ എഞ്ചിനീയറായിരുന്ന ആന്‍റണി തട്ടില്‍ പിന്നീട് കൊച്ചിയില്‍ തിരിച്ചെത്തുകയായിരുന്നു. ആന്‍റണി തട്ടിലിന് വെനീഷ്യന്‍ ബ്ലൈന്‍ഡ്സിന്റെ ബിസിനസുണ്ട്. അതുപോലെ ദുബായില്‍ ഉള്‍പ്പെടെ റിസോര്‍ട്ട് ശൃംഖല ഉള്ളതായും പറയുന്നു.
പ്രതികരിക്കാൻ ഇവിടെ എഴുതുക