കൊല്ലം: പാരിപ്പള്ളി മെഡിക്കല്‍ കോളേജില്‍ ജൂനിയര്‍ ഡോക്ടര്‍ക്ക് നേരെ പീഡനശ്രമം.സര്‍ജനായ സെര്‍ബിന്‍ മുഹമ്മദിനെതിരെയാണ് പരാതി.
ഒരു മാസം മുമ്പാണ് കേസിനാധാരമായ സംഭവമുണ്ടായത്. മെഡിക്കല്‍ കോളേജിലെ സര്‍ജന്റെ മുറിയില്‍ വച്ചാണ് പീഡനശ്രമം നടന്നത്.മദ്യം നല്‍കി പീഡിപ്പിക്കാനാണ് ശ്രമിച്ചത്. സര്‍ജന്‍ മദ്യലഹരിയിലായിരുന്നു.
വനിതാ ഡോക്ടര്‍ പരാതി നല്‍കിയതിനെ തുടര്‍ന്ന് മെഡിക്കല്‍ കോളേജിലെ ആഭ്യന്തര അന്വേഷണ സമിതി അന്വേഷണം നടത്തി. തുടര്‍ന്നാണ് പൊലീസില്‍ പരാതി എത്തിയത്.
പാരിപ്പള്ളി പൊലീസ് കഴിഞ്ഞ ദിവസം ഡോക്ടര്‍ക്കെതിരെ കേസെടുത്തു.സര്‍ജന്റെ തിരുവനന്തപുരം ഉളളൂരിലുളള വീട്ടില്‍ പൊലീസ് എത്തിയെങ്കിലും പ്രതിയെ കണ്ടെത്താനായില്ല. ഇയാള്‍ ഒളിവിലാണെന്ന് പൊലീസ് പറഞ്ഞു.
വനിതാ ഡോക്ടറുടെ പരാതിയെ തുടര്‍ന്ന് സര്‍ജനെ മെഡിക്കല്‍ കോളേജില്‍ നിന്നും സസ്‌പെന്റ് ചെയ്തു.
