നോട്ടുമാലയിൽ നിന്ന് പണം മോഷ്ടിച്ചയാളെ ഓടിച്ചിട്ട് പിടികൂടി വരൻ . ഉത്തര്പ്രദേശിലെ മീററ്റിലാണ് സംഭവം. വിവാഹത്തിന്റെ ആചാരം അനുസരിച്ച് ഘോഷയാത്രയ്ക്കായി കുതിരപ്പുറത്ത് കയറുമ്പോഴായിരുന്നു അതുവഴിയെത്തിയ മിനി ട്രക്കിന്റെ ഡ്രൈവര് വരന്റെ കഴുത്തില് ചാര്ത്തിയിരുന്ന നോട്ടുമാല പൊട്ടിച്ചെടുത്ത് വാഹനവുമായി വേഗത്തില് ഓടിച്ചുപോയത്.
വരൻ പിന്നെ ഒന്നും നോക്കിയില്ല. വിവാഹ വേഷത്തിൽത്തന്നെ അതുവഴി വന്ന ബൈക്കിൽ ചാടിക്കയറി ട്രക്ക് ഡ്രൈവറെ പിന്തുടർന്നു. തൊട്ടടുത്ത് എത്തിയതോടെ വരൻ ബൈക്കിൽ നിന്ന് ചാടി, മിനി ട്രക്കിലേക്ക് കയറാൻ ശ്രമിക്കുന്നത് വീഡിയോയിൽ കാണാം. വൈകാതെ ട്രക്കിലേക്ക് ചാടിക്കയറി വാഹനം നിർത്തി.
ഡ്രൈവറിന്റെ കൈയില് നിന്ന് നോട്ടുമാല വിടിച്ചുവാങ്ങിയ ശേഷം അയാളെ വാഹനത്തില് നിന്ന് ബലമായി വരന് പിടിച്ചിറക്കുകയും വിവാഹത്തില് പങ്കെടുക്കാനെത്തിയ മറ്റാളുകളും ചേര്ന്ന് ഡ്രൈവറെ മര്ദിക്കുകയും ചെയ്തു. എന്തിനേറെ പറയുന്നു, ആ സമയം ഇതുവഴി ഗ്യാസ് സിലിണ്ടറുമായി ബൈക്കില് പോകുകയായിരുന്ന ഒരാള് കാര്യം അന്വേഷിക്കുകയും അയാളും ഡ്രൈവറെ മര്ദിക്കുന്നതിന്റെയും വീഡിയോ സമൂഹിക മാധ്യമങ്ങളില് പ്രചരിക്കുന്നുണ്ട്.
എന്നാല്, മര്ദിക്കരുതെന്നും താന് മോഷ്ടിക്കാന് ഉദേശിച്ചിരുന്നില്ലെന്നും അബദ്ധത്തില് നോട്ടുമാല കൈക്കലാക്കിയതാണെന്നുമാണ് ഡ്രൈവര് പറയുന്നത്
