ഗയ : വന്ദേഭാരത് ട്രെയിന് നേരെ കല്ലേറ് . രണ്ട് പേർ അറസ്റ്റിൽ . ബീഹാറിലെ ഗയയിലാണ് സംഭവം . മാൻപുർ സ്വദേശികളായ വികാസ് കുമാർ, മനീഷ് കുമാർ എന്നിവരെയാണ് ആർപിഎഫ് അറസ്റ്റ് ചെയ്തത് .
മാൻപൂർ റെയിൽവേ ഡിവിഷൻ ഏരിയയിൽ വച്ചാണ് വന്ദേ ഭാരത് എക്സ്പ്രസ് ട്രെയിനുകൾക്ക് നേരെ കല്ലേറ് ഉണ്ടായത്. വന്ദേഭാരത് മാത്രമല്ല ഇവർ മറ്റ് ട്രെയിനുകളെയും ഇത്തരത്തിൽ അക്രമിക്കാൻ പദ്ധതിയിട്ടിരുന്നതായി ആർ പി ഫ് അറിയിച്ചു. വന്ദേഭാരത് ട്രെയിൻ ഗയ സ്റ്റേഷനിൽ നിന്ന് പുറപ്പെട്ട് മൻപൂർ റെയിൽവേ സെക്ഷന് സമീപം എത്തിയപ്പോഴാണ് ഇവർ കല്ലെറിഞ്ഞത് .
കല്ലേറിൽ ട്രെയിനിന്റെ ജനൽ പാളികൾക്ക് വിള്ളലുണ്ടായി. വിവരമറിഞ്ഞ് സ്ഥലത്തെത്തിയ ഗയ ആർപിഎഫ് പ്രത്യേക സംഘം രൂപീകരിച്ച് റെയ്ഡ് നടത്തി. തുടർന്നാണ് പ്രദേശത്ത് ഒളിച്ചിരുന്ന യുവാക്കൾ അറസ്റ്റിലായത് . ഇരുവരും കൊടും ക്രിമിനലുകളാണെന്നും , നിലവിൽ ജാമ്യത്തിലാണെന്നും പോലീസ് പറഞ്ഞു.
