പെരിയാറിൽ നിന്ന് അനധികൃത മണൽ കടത്ത് ; രണ്ട് പേർ പിടിയിൽ

ആലുവ : പെരിയാറിൽ നിന്ന് മണൽക്കടത്ത് നടത്തിയ രണ്ട് പേർ പോലീസ് പിടിയിൽ. മണൽ കടത്തിയ ലോറിയും പിടികൂടി.

ആലുവ തുരുത്ത് ഒത്തുപ്പള്ളിപ്പറമ്പിൽ വീട്ടിൽ റിൻഷാദ് (33) ലോറി ഉടമയും ഡ്രൈവറുമായ കൊല്ലം കടത്തൂർ തഴുവ സിനാൻ മൻസിൽ സജീവ് (39) എന്നിവരെയാണ് ആലുവ പോലീസ് അറസ്റ്റ് ചെയ്തത്. റിൻഷാദിന്റെ നേതൃത്വത്തിലായിരുന്നു മണൽക്കടത്ത്.

ആലുവ കൊണ്ടോട്ടി മുളവരിക്കൽ ക്ഷേത്രത്തിനു സമീപമുള്ള കമ്പനി കടവിൽ നിന്നും പുഴ മണൽ നിറച്ചു ചേർത്തല ഭാഗത്തേക്ക് കൊണ്ട് പോകുന്നതിനിടയിൽ ആലുവ തുരുത്തു പാലത്തിനു സമീപത് വച്ചാണ് പോലീസ് പിടികൂടിയത്.

അന്വേഷണ സംഘത്തിൽ എസ്.ഐ താജ് വർഗീസ്, സി. പി. ഒ മാരായ എൻ എ മുഹമ്മദ്‌ അമീർ കെ എം മനോജ്‌, മേരി ദാസ്, അരവിന്ദ് തുടങ്ങിയവരാണ് അന്വേഷണ സംഘത്തിലുള്ളത്. കോടതിയിൽ ഹാജരാക്കി റിമാൻഡ് ചെയ്തു.