തൃശൂര്: ചേതന ഗാനാശ്രമത്തിന്റെ ബാനറില് പാടും പാതിരി ഫാ. ഡോ. പോള് പൂവത്തിങ്കലും മൂന്നു തവണ ഗ്രാമി അവാര്ഡില് പങ്കാളിയായ വയലിന് വാദകന് മനോജ് ജോര്ജും ചേര്ന്ന് സംഗീതം നല്കി. യേശുദാസും, ഫാ. പോളും 100 വൈദീകരും 100 കന്യാസ്ത്രീകളും ചേര്ന്ന് ആലപിച്ച ആത്മീയ സംഗീത ആല്ബം ‘സര്വ്വേശ’ ഫ്രാന്സിസ് മാര്പാപ്പ പ്രകാശനം ചെയ്തു.
വത്തിക്കാനിലെ അന്താരാഷ്ട്ര കോണ്ഫറന്സില് സംഗീത സംവിധായകരായ ഫാ. പോള് പൂവത്തിങ്കലും മനോജ് ജോര്ജും ചേര്ന്നു സമര്പ്പിച്ച ഫലകത്തില് ഒപ്പുവച്ചുകൊണ്ടാണ് ഫ്രാന്സിസ് മാര്പാപ്പ പ്രകാശന കര്മം നിര്വഹിച്ചത്. ആദ്യമായാണ് ഇന്ത്യന് സംഗീത ആല്ബം ഫ്രാന്സിസ് മാര്പാപ്പ പ്രകാശനം ചെയ്യുന്നത്.
മണ്മറഞ്ഞ സംസ്കൃത പണ്ഡിതന് പ്രൊഫ. പി.സി. ദേവസ്യാ രചിച്ച ക്രിസ്തു ഭാഗവതം എന്ന ഗ്രന്ഥത്തിലെ ‘സ്വര്ഗസ്ഥനായ പിതാവേ’ എന്ന സംസ്കൃത ഗീതമാണ് ഫാ. പോള് പൂവത്തിങ്കലും മനോജ് ജോര്ജും ചേര്ന്ന് ആല്ബമാക്കിയത്. വിശിഷ്ടമായ പ്രാര്ത്ഥനയുടെ സംസ്കൃതത്തിലുള്ള ആവിഷ്കാരമാണിത്.
കര്ണാടിക് സംഗീതത്തിലെ ‘നഠഭൈരവി’ രാഗത്തില് പാശ്ചാത്യ സംഗീത സാങ്കേതങ്ങളെ സമഞ്ജസിപ്പിച്ചാണു സംഗീത സംവിധാനം നിര്വഹിച്ചത്. മനോജ് ജോര്ജിന്റെ യു ട്യൂബിലൂടെ ലോകമെങ്ങും ആല്ബം ലഭ്യമാകും.
ലോസ് അഞ്ചലസിലെ ഹോളിവുഡിലായിരുന്നു ആല്ബത്തിന്റെ ചേ0ബര് ഓര്ക്കസ്ട്രേഷന്. പണ്ഡിറ്റ് ഹരിപ്രസാദ് ചൗരസ്യയുടെ മകനും ഗ്രാമി അവാര്ഡ് ജേതാവുമായ രാകേഷ് ചൗരസ്യയും ചേര്ന്നാണ് ആല്ബത്തിനു പശ്ചാത്തല സംഗീതം ഒരുക്കിയത്.
ഈ അപൂവ്വ സംഗീത നിര്മിതിയില്നിന്നുള്ള വരുമാനം തൃശൂര് ചേതന ഗാനശ്രമത്തിലെ ഭിന്നശേഷി കുട്ടികളുടെ മസ്തിഷ്ക വികസനത്തിനുള്ള ന്യൂറോളജിക് മ്യൂസിക് തെറാപ്പിക്കായാണു വിനിയോഗിക്കുക.
