മുംബൈ: തുടര്ച്ചയായി ഫോമില്ലായ്മയിലുള്ള ഓപ്പണര് ഷഫാലി വര്മയെ ഒഴിവാക്കി ഭാരത വനിതാ ക്രിക്കറ്റ് ടീം. ഓസ്ട്രേലിയന് പര്യടനത്തിനുള്ള ടീമില് നിന്നാണ് ഷഫാലിയെ ഒഴിവാക്കിയത്. ഇക്കൊല്ലം ആറ് ഏകദിനങ്ങളില് നിന്ന് താരം ആകേ നേടിയിരിക്കുന്നത് 108 റണ്സ് ആണ്. 33 ആണ് ഇക്കാലയളവിലെ ഉയര്ന്ന സ്കോര്.
ഹര്ലീന് ഡിയോളിനെ ടീമിലെടുത്തിട്ടുണ്ട്. കഴിഞ്ഞ വര്ഷം ഡിസംബറിലാണ് ഹര്നീന് ഒടുവില് ടീമിന് വേണ്ടി കളിച്ചത്.
ഡിസംബര് അഞ്ച് മുതല് 11 വരെയാണ് മൂന്ന് മത്സര ഏകദിന പരമ്പര. ആദ്യ രണ്ട് മത്സരങ്ങള് ബ്രിസ്ബേനിലെ അലന്ബോര്ഡര് ഫീല്ഡിലും മൂന്നാമത്തെയും അവസാനത്തെയും മത്സരം പെര്ത്തിലും ആണ് നടക്കുക.
ഭാരത ടീം: ഹര്മന്പ്രീത് കൗര്(ക്യാപ്റ്റന്), സ്മൃതി മന്ദാന(വൈസ് ക്യാപ്റ്റന്), പ്രിയ പൂനിയ, ജെമീമ റോഡ്രിഗസ്, ഹര്ലീന് ഡിയോള്, യാസ്തിക ഭാട്ടിയ(വിക്കറ്റ് കീപ്പര്, റിച്ച ഘോഷ്(വിക്കറ്റ് കീപ്പര്), തേജല് ഹസാബ്നിസ്, ദീപ്തി ശര്മ്മ, മിന്നു മണി, പ്രിയ മിശ്ര, രാധാ യാദവ്, ടിറ്റാസ് സധു, അരുന്ധതി റെഡ്ഡി, രേണുക സിങ് ഠാക്കൂര്, സൈമ തകോര്.
