കാടാമ്പുഴ: കാടാമ്പുഴ ഭഗവതി ദേവസ്വത്തിന്റെ 2024ലെ തൃക്കാര്‍ത്തിക പുരസ്‌കാരം ഗായിക കെ.എസ്. ചിത്രയ്ക്ക്. 25000 രൂപയും ദാരുശില്പവുമടങ്ങുന്നതാണ് പുരസ്‌കാരം.
ശ്രീകാടാമ്പുഴ ഭഗവതി ക്ഷേത്രത്തില്‍ തൃക്കാര്‍ത്തിക മഹോത്സവത്തിന് തുടക്കം കുറിച്ച് ഡിസംബര്‍ ഏഴിന് വൈകിട്ട് ചേരുന്ന സാംസ്‌കാരിക സമ്മേളനത്തില്‍ പുരസ്‌കാരം സമ്മാനിക്കും. ദേവസ്വം മന്ത്രി വി.എന്‍. വാസവന്‍ സമ്മേളനം ഉദ്ഘാടനം ചെയ്യും.
വൃശ്ചിക മാസത്തിലെ കാര്‍ത്തിക നാളാണ് കാടാമ്പുഴ ഭഗവതിയുടെ പ്രതിഷ്ഠ ദിനമായി ആഘോഷിക്കുന്നത്.
13ന് തൃക്കാര്‍ത്തിക ദിവസം പുലര്‍ച്ചെ മൂന്ന് മുതല്‍ ക്ഷേത്രത്തില്‍ ദീപം തെളിയിക്കും. മഹോത്സവത്തിന്റെ ഭാഗമായി ഡിസംബര്‍ ഏഴ് മുതല്‍ കലാ സാംസ്‌കാരിക പരിപാടികള്‍ നടക്കും.
പ്രതികരിക്കാൻ ഇവിടെ എഴുതുക