എറണാകുളം കടവന്ത്ര ഇന്‍ഡോര്‍ സ്റ്റേഡിയത്തില്‍ സുഗതനവതി ചിത്രരചനാ മത്സരം സിറ്റി പോലീസ് കമ്മിഷണര്‍ പുട്ട വിമലാദിത്യ ഉദ്ഘാടനം ചെയ്യുന്നു. ഊര്‍മിള ഉണ്ണി, രഞ്ജിത്ത് വാര്യര്‍, ബാലനടന്‍ ശ്രീപദ്, ചിത്രകാരി ശ്രേയ രതീഷ് സമീപം
കൊച്ചി: സുഗത നവതി ആഘോഷങ്ങളുടെ ഭാഗമായി കൊച്ചി കടവന്ത്ര രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ ചിത്രരചനാ മത്സരം നടന്നു. സിറ്റി പോലീസ് കമ്മിഷണര്‍ പുട്ട വിമലാദിത്യ ഉദ്ഘാടനം ചെയ്തു. ചിത്രം വരയ്‌ക്കുന്ന ഇത്രയധികം കുട്ടികളെ കണ്ടതില്‍ സന്തോഷമുണ്ടെന്ന് അദ്ദേഹം പറഞ്ഞു.
സിനിമാ താരവും സുഗത നവതി വൈസ് പ്രസിഡന്റുമായ ഊര്‍മിള ഉണ്ണി അധ്യക്ഷത വഹിച്ചു. സുഗതകുമാരിയുടെ നന്ദി എന്ന കവിത ഊര്‍മിള ഉണ്ണി ആലപിച്ചു. വിദ്യാര്‍ത്ഥിനി
ആര്‍ദ്ര വരച്ച പ്രകൃതീശ്വരിയുടെ ചിത്രം ആഘോഷ കമ്മിറ്റിക്ക് വേണ്ടി ബാല നടന്‍ പി.കെ. ശ്രീപദിന് കൈമാറി.
ആര്‍ദ്രയെ ഉര്‍മിള ഉണ്ണി പൊന്നാടയണിച്ച് ആദരിച്ചു. എന്‍സിആര്‍ടി പുസ്തകങ്ങളില്‍ ചിത്രം വരച്ച ആര്‍ട്ടിസ്റ്റ് ശ്രേയ രതിഷ്, സുഗത നവതി ഫിനാന്‍സ് കണ്‍വീനര്‍ രഞ്ജിത്ത് വാര്യര്‍, സരസ്വതി വിദ്യാനികേതനിലെ വിദ്യാര്‍ത്ഥിനി ആയുഷ് കലേഷ് എന്നിവര്‍ സംസാരിച്ചു. പരിപാടികള്‍ക്ക് അഡ്വ. ശശിശങ്കര്‍, ബി. പ്രകാശ് ബാബു, കോ ഓര്‍ഡിനേറ്റര്‍ സജി ആവിഷ്‌ക്കാര്‍, അഡ്വ ദിനേശ് എന്നിവര്‍ നേതൃത്വം നല്കി.
പ്രതികരിക്കാൻ ഇവിടെ എഴുതുക