ജോലി വാഗ്ദാനം ചെയ്ത് മൂന്നരലക്ഷത്തിലധികം രൂപ തട്ടിയെടുത്തയാൾ പിടിയിൽ

ആലുവ : ജോലി വാഗ്ദാനം ചെയ്ത് പണം തട്ടിയ കേസിൽ ഒരാൾ അറസ്റ്റിൽ. കോട്ടയം നീർപാറ തടത്തിൽ വീട്ടിൽ പ്രദീഷ് (37) നെയാണ് ഞാറക്കൽ പോലീസ് അറസ്റ്റ് ചെയ്തത്.

കഴിഞ്ഞ മാർച്ചിൽ ആയിരുന്നു സംഭവം. ഞാറക്കൽ സ്വദേശിയായ പരാതിക്കാരന് കരിമുകൾ ബി പി സി എൽ ലിൽ ബോട്ടിലിംഗ് പ്ലാന്റിൽ ജോലി ശരിയാക്കി കൊടുക്കാം എന്ന് പറഞ്ഞു വിശ്വസിപ്പിച്ച് മൂന്ന്ലക്ഷത്തി എൺപത്തി ഒന്നായിരത്തി എണ്ണൂറ് രൂപ വാങ്ങിയതിനു ശേഷം ജോലി നൽകാതെ കബളിപ്പിക്കുകയായിരുന്നു. ഇയാൾക്കെതിരെ അമ്പലമേട് പോലീസ് സ്റ്റേഷനിൽ സമാനമായ കേസ് നിലവിലുണ്ട്.

ഞാറക്കൽ ഇൻസ്പെക്ടർ സുനിൽ തോമസിന്റെ മേൽനോട്ടത്തിലുള്ള അന്വേഷണസംഘത്തിൽ എസ് ഐ അഖിൽ വിജയകുമാർ, എ.എസ്.ഐ പി.ടി.സ്വപ്ന, സി. പി. ഒ മാരായ കെ.എം.പ്രജിത്ത്. കെ.എസ്.ശ്രീകാന്ത് എന്നിവരാണ് ഉണ്ടായിരുന്നത്.