ലക്നൗ : ഉത്തർപ്രദേശിൽ മലയാളിയായ പാസ്റ്റർ മതം മാറ്റിയത് 300 ഓളം പേരെ . പാസ്റ്റർ ബിജു മാത്യൂ ഇക്കഴിഞ്ഞ ഒക്ടോബർ 20 നാണ് അറസ്റ്റിലായത് . വിവാഹചിലവ് വഹിക്കുമെന്നും , ബിസിനസ് നടത്താൻ പണം നൽകുമെന്നും , ചികിത്സാ ചെലവ് നൽകുമെന്നും വാഗ്ദാനം ചെയ്താണ് ബിജു മാത്യു ആളുകളെ മതം മാറ്റിച്ചത് .
കഴിഞ്ഞ രണ്ടര മാസമായി മാത്യു കുടുംബസമേതം മീററ്റിലെ കങ്കർഖേഡ റോഹ്ത റോഡിലെ വികാസ് എൻക്ലേവ് കോളനിയിലാണ് താമസം. എല്ലാ ഞായറാഴ്ചകളിലും തന്റെ വീട്ടിൽ പ്രാർത്ഥനായോഗങ്ങൾ സംഘടിപ്പിക്കാറുണ്ടായിരുന്നു. ഗോലാബാദ് ഗ്രാമത്തിലെ 30 കുടുംബങ്ങളിൽ നിന്നുള്ള ഈ വ്യക്തികൾ പതിവായി പ്രാർത്ഥനാ യോഗങ്ങളിൽ പങ്കെടുക്കാറുണ്ടായിരുന്നു.
നാട്ടുകാരാണ് ഈ വിവരം ഹിന്ദുസംഘടനാ പ്രവർത്തകരെയും, പോലീസിനെയും അറിയിച്ചത് . അതേസമയം ബിജു മതം മാറ്റിയവരിൽ 30 കുടുംബങ്ങളിൽ നിന്നുള്ള 150 ഓളം പേരും ഹിന്ദുമതത്തിലേയ്ക്ക് മടങ്ങി.
