ആലപ്പുഴ: വൃശ്ചിക വേലിയേറ്റവുമായി ബന്ധപ്പെട്ട് കുട്ടനാടിന്റെ വിവിധ പ്രദേശങ്ങളില് കഴിഞ്ഞ ദിവസങ്ങളില് ജലനിരപ്പ് ഉയര്ന്നതിനെ തുടര്ന്ന് ഉപ്പുവെളളം കയറുന്നത് ഒഴിവാക്കുന്നതിനായി തണ്ണീര്മുക്കം ബണ്ടിന്റെ 28 ഷട്ടറുകള് വേലിയേറ്റത്തിന്റെ തോതനുസരിച്ച് നവംബര് 12 മുതല് ക്രമീകരിക്കുന്നതിനുളള നടപടികള് സ്വീകരിക്കുവാന് ജില്ലാ കളക്ടര് അലക്സ് വര്ഗ്ഗീസിന്റെ അധ്യക്ഷതയില് കളക്ടറേറ്റില് ചേര്ന്ന യോഗത്തില് തീരുമാനിച്ചു.
ഷട്ടറുകള് ക്രമീകരിക്കുമ്പോള് ഇരുവശങ്ങളിലുമുളള മത്സ്യത്തൊഴിലാളികളുടെ ജീവനോപാധികളെ (വളളം, വല മറ്റുളളവ) ബാധിക്കുന്നില്ലായെന്ന് കോട്ടയം/ആലപ്പുഴ പഞ്ചായത്ത് ഡെപ്യൂട്ടി ഡയറക്ടര്മാര് ഉറപ്പു വരുത്തേണ്ടതാണെന്നും ആതിലേക്ക് മത്സ്യത്തൊഴിലാളികള്ക്ക് മുന്കൂര് നിര്ദ്ദേശം നല്കേണ്ടതാണെന്നും നിര്ദ്ദേശം നല്കി.
