തിരൂര്‍: ഡെപ്യൂട്ടി തഹസില്‍ദാറെ പോക്‌സോ കേസില്‍ കുടുക്കുമെന്ന് ഭീഷണിപ്പെടുത്തി 10,30,000 രൂപ തട്ടിയെടുത്ത കേസില്‍ രണ്ടത്താണി സ്വദേശികളായ രണ്ടുപേരെ തിരൂര്‍ പോ
ലീസ് അറസ്റ്റ് ചെയ്തു. പൂവഞ്ചിന സ്വദേശി പാലക്കല്‍ മുഹമ്മദ് അജ്മല്‍ (34) രണ്ടത്താണി സ്വദേശി തയ്യില്‍ മുഹമ്മദ് ഫൈസല്‍(43) എന്നിവരാണ് പോലീസിന്റെ പിടിയിലായത്. തഹസില്‍ദാറെ നിരന്തരം ഭീഷണിപ്പെടുത്തി മൂന്ന് തവണകളായിട്ടാണ് പ്രതികള്‍ പണം കൈക്കലാക്കിയത്.
പണം തട്ടിയെടുത്ത ശേഷം പ്രതികള്‍ പ്രൈവറ്റ് ഇന്‍വെസ്റ്റിഗേഷന്‍ ഏജന്‍സി എന്ന പേരില്‍ തഹസില്‍ദാറെ വിളിച്ച് ഭീഷണിപ്പെടുത്തുകയും മാനസിക സമ്മര്‍ദ്ദത്തില്‍ ആക്കുകയും ചെയ്തു. തുടര്‍ന്നാണ് തഹസില്‍ദാര്‍ നാട്ടില്‍ നിന്നും പോകാന്‍ നിര്‍ബന്ധിതനായത്. പ്രതികളില്‍ ഒരാള്‍ കഴിഞ്ഞ ആറാം തീയതി വിളിച്ച് ഭീഷണിപ്പെടുത്തിയതിന് ശേഷമാണ് തഹസില്‍ദാര്‍ തിരൂരില്‍ നിന്നും മംഗലാപുരത്തേക്ക് പോയത്.
വെള്ളിയാഴ്ച രാത്രിയില്‍ തിരിച്ചെത്തി പോലീസിന് മൊഴി നല്‍കിയ അടിസ്ഥാനത്തിലാണ് കേസ് രജിസ്റ്റര്‍ ചെയ്തത്. തിരൂര്‍ മജിസ്‌ട്രേറ്റ് മുമ്പാകെ ഹാജരാക്കിയ പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: