ന്യൂഡല്‍ഹി: പോക്സോ കേസുകള്‍ അടക്കമുള്ള ലൈംഗികാതിക്രമ കേസുകള്‍ സ്വകാര്യ കേസ് എന്ന നിലയ്‌ക്ക് ഒത്തുതീര്‍പ്പാക്കാന്‍ കഴിയില്ലെന്ന് സുപ്രീംകോടതി ആവര്‍ത്തിച്ചു വ്യക്തമാക്കി. അധ്യാപകന്‍ പെണ്‍കുട്ടിക്കെതിരെ ലൈംഗികഅതിക്രമം നടത്തിയ കേസ് സ്വകാര്യമായി ഒത്തുതീര്‍പ്പാക്കിയത് അംഗീകരിച്ച രാജസ്ഥാന്‍ ഹൈക്കോടതി വിധി റദ്ദാക്കി കൊണ്ടാണ് ജസ്റ്റിസ് സി.ടി രവികുമാര്‍ അധ്യക്ഷനായ ഡിവിഷന്‍ ബെഞ്ചിന്‌റെ ഉത്തരവ്.
അതേസമയം ലൈംഗിക അതിക്രമത്തിനിരയാവുന്ന കുട്ടികള്‍ക്കും സ്ത്രീകള്‍ക്കും നല്‍കേണ്ട നഷ്ടപരിഹാരം വിധിയില്‍ ഉള്‍പ്പെടുത്തണമെന്ന് മറ്റൊരു കേസില്‍ സുപ്രീംകോടതി വിചാരണ കോടതികള്‍ക്ക് നിര്‍ദ്ദേശം നല്‍കി. നടപടിചട്ടങ്ങളിലെ 357 എ വകുപ്പ് പ്രകാരം ഇരയാക്കപ്പെടുന്ന കുട്ടികള്‍ക്കും സ്ത്രീകള്‍ക്കും നഷ്ടപരിഹാരം ഉറപ്പാക്കേണ്ടതുണ്ട് . നിയമസഹായ അതോറിറ്റികള്‍ ഈ നിര്‍ദ്ദേശം പാലിക്കുന്നുവെന്ന് ഉറപ്പാക്കണം.
പ്രതികരിക്കാൻ ഇവിടെ എഴുതുക: