ഫരീദാബാദ്: കാമുകിയെ സന്തോഷിപ്പിക്കാനായി ആശുപത്രിയില് ബോംബ് വെച്ചിട്ടുണ്ടെന്ന് ഭീഷണി മുഴക്കിയ യുവാവ് അറസ്റ്റിൽ. ബിഹാറിലെ പട്ന സ്വദേശിയായ അങ്കിത് പാസ്വാന് ആണ് അറസ്റ്റിലായത്. ഹരിയാനയിലെ ഫരീദാബാദിലെ സ്വകാര്യ ആശുപത്രിക്കെതിരെയാണ് ഇയാള് വ്യാജ ബോംബ് ഭീഷണി മുഴക്കിയത്.
നാല് ദിവസം മുമ്പാണ് അങ്കിത് ആശുപത്രിയില് ബോംബ് വെച്ചിട്ടുണ്ടെന്ന ഭീഷണി മുഴക്കിയത്. സംയുക്ത ദൗത്യത്തിനൊടുവിലാണ് പ്രതിയെ പട്നയില് നിന്ന് പിടികൂടിയത്.
കാമുകിയുടെ അമ്മ കുറച്ചുനാള് മുമ്പ് ഈ ആശുപത്രിയില് ചികിത്സയില് കഴിഞ്ഞിരുന്നു . പിന്നീട് മറ്റൊരു ആശുപത്രിയിൽ ചികിത്സയിലിരിക്കുമ്പോൾ അവർ മരിച്ചു . ഇത് ആശുപത്രിയോടുള്ള വിരോധത്തിന് കാരണമായി . ഇത് തീർക്കാനും , കാമുകിയെ സന്തോഷിപ്പിക്കാനുമായിരുന്നു ഭീഷണി മുഴക്കിയതെന്ന് അങ്കിത് പറഞ്ഞു.
