പെരുമ്പാവൂരിൽ ഇരുചക്രവാഹനത്തിലെത്തി മാല പൊട്ടിച്ച കേസിൽ ഒരാൾ കൂടി അറസ്റ്റിൽ

പെരുമ്പാവൂർ : വെങ്ങോലയിൽ ഇരുചക്രവാഹനത്തിലെത്തി മാല പൊട്ടിച്ച കേസിൽ ഒരാൾ കൂടി പിടിയിൽ. എരമല്ലൂർ നെല്ലിക്കുഴി മറ്റത്തിൽ വീട്ടിൽ മഹിൻ ലാൽ (25)നെയാണ് പെരുമ്പാവൂർ പോലീസ് പിടികൂടിയത്.

തോപ്പുംപടി പള്ളിപ്പറമ്പിൽ അഭിലാഷിനെ കഴിഞ്ഞ ദിവസം അറസ്റ്റ് ചെയ്തിരുന്നു. മാല പൊട്ടിച്ച കേസിൽ മുഖ്യ പ്രതിയായ അഭിലാഷിനെ സഹായിച്ചതിനാണ് അറസ്റ്റ്.

മാല പൊട്ടിച്ചു വന്നതിനുശേഷം പിടിക്കപ്പെടാതിരിക്കാൻ മഹിൻ ലാൽ ഇയാളുടെ മോട്ടോർ സൈക്കിളിൽ കയറ്റി സുഹൃത്തിന്റെ വീട്ടിലെത്തിച്ചു. തുടർന്ന് സുഹൃത്തിന്റെ ഷർട്ട് വാങ്ങി ധരിപ്പിച്ച് ആലുവയിൽ ഉള്ള ജ്വല്ലറികളിൽ സ്വർണ്ണം വിൽപ്പന നടത്താൻ ശ്രമിച്ചു.

ഇയാൾക്ക് ആലുവ മൂവാറ്റുപുഴ കോതമംഗലം കൂത്താട്ടുകുളം പൊൻകുന്നം സ്റ്റേഷനുകളിലായി നിരവധി മോഷണക്കേസുകളുണ്ട്. 2023 ൽ കാപ്പ പ്രകാരം നാടുകടത്തിയിട്ടുള്ള ആളുമാണ്.

പെരുമ്പാവൂർ എഎസ്പി ശക്തി സിംഗ് ആര്യ, ഇൻസ്പെക്ടർ ടി. എം സൂഫി, സബ് ഇൻസ്പെക്ടർ പി. എം റാസിഖ്, എഎസ്ഐ പി. എ അബ്ദുൽ മനാഫ്, സീനിയർ സിപി ഒ മാരായ ടി.എ അഫ്സൽ, വർഗീസ് ടി വേണാട്ട് , ബെന്നി ഐസക് , ധനേഷ് എന്നിവരാണ് അന്വേഷണ സംഘത്തിലുണ്ടായിരുന്നത്.