തിരുവനന്തപുരം: പേരൂര്‍ക്കടയ്‌ക്ക് സമീപം അമ്പലമുക്കില്‍ വിനീതയെ കൊലപ്പെടുത്തിയ കേസില്‍ ഫൊറന്‍സിക് ഡോക്ടര്‍ നിര്‍ണായക മൊഴി നല്‍കി.വിനീതയെ കഴുത്തറുത്ത് കൊലപ്പെടുത്തിയതിന് സമാനമാണ് പ്രതിയായ രാജേന്ദ്രന്‍ തമിഴ്‌നാട്ടിലും മൂന്നുപേരെ കൊലപ്പെടുത്തിയതെന്ന് ഫൊറന്‍സിസ് ഡോക്ടര്‍ കോടിതിയില്‍ പറഞ്ഞു.
തമിഴ്‌നാട്ടിലെ തോവാളയിലുള്ള ഒരു കസ്റ്റംസ് ഉദ്യോഗസ്ഥനെയും ഭാര്യയെയും മകളെയുമാണ് പ്രതി ഇതിന് മുമ്പ് കൊലപ്പെടുത്തിയത്. വിനീതയുടെ കഴുത്തിലുള്ളതിന് സമാന മുറിവുകളാണ് മൂന്നു പേരുടെയും കഴുത്തിലുണ്ടായിരുന്നതെന്ന് അന്ന് പോസ്റ്റ്‌മോര്‍ട്ടം നടത്തിയ ആശാരിപള്ളം ഗവണ്‍മെന്റ് മെഡിക്കല്‍ കോളേജിലെ ഫോറന്‍സിക് വിദഗ്‌ദ്ധന്‍ ഡോ ആര്‍ രാജ മുരുഗന്‍ കോടതിയില്‍ മൊഴി നല്‍കി.
പ്രതി രാജേന്ദ്രനാണ് തമിഴ്‌നാട്ടിലും മൂന്നു കൊലപാതകം ചെയ്തതെന്ന് കേസന്വേഷിച്ച തമിഴ്‌നാട് പൊലീസ് ഉദ്യോഗസ്ഥരും കോടതിയില്‍ തിരിച്ചറിഞ്ഞു.അമ്പലമുക്കിലെ ചെടികള്‍ വില്‍ക്കുന്ന സ്ഥാപനത്തില്‍ ജോലി ചെയ്തിരുന്ന വിനീതയെ ഹോട്ടല്‍ ജീവനക്കാരനായ രാജേന്ദ്രന്‍ സ്വര്‍ണാഭരണം കവരുന്നതിനായി കഴുത്തുറത്ത് കൊലപ്പെടുത്തുകയായിരുന്നു.
പ്രതികരിക്കാൻ ഇവിടെ എഴുതുക: