ആലപ്പുഴ : പീഡനപരാതിയില്‍ പാര്‍ട്ടിയും കൈവെടിഞ്ഞ സാഹചര്യത്തില്‍ സിപിഎം പ്രവര്‍ത്തക നിയമ നടപടിയുമായി മുന്നോട്ട്. തന്റെ പരാതിയില്‍ ആലപ്പുഴ നോര്‍ത്ത് പോലീസ് നടപടി സ്വീകരിക്കാത്തതിനാല്‍ ജനാധിപത്യ മഹിളാ അസോസിയേഷന്‍ നേതാവ് ജില്ലാ പോലീസ് മേധാവിക്കും പരാതി നല്കി. പ്രതിയായ ലോക്കല്‍ സെക്രട്ടറി നാട്ടില്‍ വിലസി നടന്നിട്ടും അറസ്റ്റുചെയ്യുന്നില്ലെന്ന് ഇവര്‍ പരാതിയില്‍ പറഞ്ഞു.
പുന്നമട ലോക്കല്‍ സെക്രട്ടറി എസ്.എം. ഇക്ബാലിനെതിരേ പരാതിനല്‍കി ആഴ്ചകളായിട്ടും അറസ്റ്റുണ്ടായിട്ടില്ല. പ്രതി ഹൈക്കോടതിയില്‍ മുന്‍കൂര്‍ ജാമ്യത്തിനു പോയിരിക്കുന്നതിനാലാണ് അറസ്റ്റുചെയ്യാത്തതെന്നാണ് നോര്‍ത്ത് പോലീസ് പറയുന്നത്.എന്നാല്‍, അറസ്റ്റ് അരുതെന്ന് കോടതിയില്‍നിന്ന് ഒരു നിര്‍ദേശവും നല്കി യിട്ടില്ല. പാര്‍ട്ടിനേതാവായതുകൊണ്ട് പോലീസ് കോടതിയുടെ പേരുപറഞ്ഞ് ഒളിച്ചുകളിക്കുകയാണെന്നാണ് ആക്ഷേപം.
സിപിഎം സംസ്ഥാന സെക്രട്ടറി എം.വി.ഗോവിന്ദനടക്കം പരാതി നല്‍കിയിട്ടും നടപടി സ്വീകരിക്കാത്തതിനെത്തുടര്‍ന്നാണ് മഹിളാ അസോസിയേഷന്‍ നേതാവ് നോര്‍ത്ത് പോ
ലീസില്‍ പരാതികൊടുത്തത്. കേസ് രജിസ്റ്റര്‍ ചെയ്യുകയും പുന്നമട ലോക്കല്‍ കമ്മിറ്റി ഓഫീസിലെത്തി തെളിവെടുപ്പ് നടത്തുകയും ചെയ്തിരുന്നു. എന്നാല്‍, തുടര്‍നടപടികളുണ്ടായിട്ടില്ല.
പ്രതികരിക്കാൻ ഇവിടെ എഴുതുക: