തൃശൂര്‍: പൂരം അലങ്കോലപ്പെട്ടതില്‍ അന്വേഷണസംഘം തിരുവമ്പാടി ദേവസ്വം ഭാരവാഹികളെ ചോദ്യം ചെയ്തു.തിരുവമ്പാടി ദേവസ്വം സെക്രട്ടറി കെ ഗിരീഷ് കുമാര്‍, ജോയിന്‍ സെക്രട്ടറി ശശിധരന്‍ എന്നിവരെയാണ് ചോദ്യം ചെയ്തത്.
പൂരം നിര്‍ത്തിവയ്‌ക്കേണ്ട സാഹചര്യം എന്തായിരുന്നു എന്നതാണ് ആദ്യഘട്ട ചോദ്യം ചെയ്യലില്‍ ആരാഞ്ഞത്.സര്‍ക്കാര്‍ പ്രഖ്യാപിച്ച ത്രിതല അന്വേഷണത്തിന്റെ ഭാഗമായാണ് ചോദ്യം ചെയ്യല്‍.
എഡിജിപി എം ആര്‍ അജിത് കുമാര്‍ പൂരം കലങ്ങിയതിനെ സംബന്ധിച്ച് നടത്തിയ അന്വേഷണത്തിന്റെ റിപ്പോര്‍ട്ടില്‍ തിരുവമ്പാടി ദേവസ്വത്തിനെതിരെ പരാമര്‍ശങ്ങള്‍ നടത്തിയിരുന്നു.ഇതിന്റെ കൂടി പശ്ചാത്തലത്തിലാണ് ത്രിതല അന്വേഷണത്തിന്റെ ആദ്യഘട്ടത്തില്‍ തന്നെ തിരുവമ്പാടി ദേവസ്വം ഭാരവാഹികളെ ചോദ്യം ചെയ്ത് വിശദമായ മൊഴി രേഖപ്പെടുത്താനുള്ള നീക്കം.
പ്രതികരിക്കാൻ ഇവിടെ എഴുതുക: