ചെറുതുരുത്തി: അക്രമ- അഴിമതി രാട്രീയത്തിന് അറുതിവരുത്താന്‍ ബിജെപി വിജയിക്കണമെന്ന് മുന്‍ കേന്ദ്ര സഹമന്ത്രി രാജീവ് ചന്ദ്രശേഖര്‍. ഉപതെരഞ്ഞെടുപ്പ് നടക്കുന്ന ചേലക്കര മണ്ഡലത്തില്‍ എന്‍ഡിഎ സ്ഥാനാര്‍ത്ഥി കെ. ബാലകൃഷ്ണന്റെ തെരഞ്ഞെടുപ്പ് പ്രചാരണത്തിനായി ചേലക്കരയില്‍ എത്തിയതായിരുന്നു അദ്ദേഹം.
കഴിഞ്ഞ 65 വര്‍ഷക്കാലം മാറി മാറി ഭരിച്ച ഇടത് വലത് മുന്നണികള്‍ക്ക് അവകാശപ്പെടാനായി എന്ത് വികസ പദ്ധതികളാണ് ഇവിടെ ചൂണ്ടിക്കാണിക്കാനുള്ളത്. നരേന്ദ്ര മോദി സര്‍ക്കാര്‍ നടപ്പിലാക്കുന്ന പദ്ധതികള്‍ ചേലക്കരയിലും നടപ്പിലാക്കാന്‍ എന്‍ഡിഎ സ്ഥാനാര്‍ത്ഥി കെ. ബാലകൃഷ്ണനെ വിജയിപ്പിക്കണമെന്നും, ബിജെപിക്ക് കേരള നിയമസഭയിലേക്കുള്ള ചവിട്ടുപടിയായി ഈ തെരഞ്ഞെടുപ്പിനെ മാറ്റണമെന്നും അദ്ദേഹം വോട്ടര്‍മാരോട് അഭ്യര്‍ത്ഥിച്ചു.
ഇന്നലെ രാവിലെ ചെറുതുരുത്തിയിലെത്തിയ അദ്ദേഹം ചെറുതുരുത്തി മണ്ഡലം കമ്മിറ്റി സംഘടിപ്പിച്ച ‘വിഷന്‍ 2047 ‘ എന്ന വിഷയത്തെ അധികരിച്ച് നടന്ന ചര്‍ച്ചയില്‍ കേന്ദ്ര സര്‍ക്കാര്‍ നടപ്പാക്കിയ പദ്ദതികള്‍ വിശദീകരിച്ചു. ചടങ്ങില്‍ വ്യാപാരികള്‍, വ്യവസായികള്‍, റിട്ടയേഡ് സര്‍ക്കാര്‍ ജീവനക്കാര്‍, പൂര്‍വ്വ സൈനികര്‍, ടാക്‌സ് കണ്‍സല്‍ട്ടന്‍സ് എന്നിവരെ കൂടാതെ മറ്റു പൗരപ്രമുഖരും പങ്കെടുത്തു. ബിജെപി ജില്ലാ വൈസ് പ്രസിഡന്റ് ഐ.എന്‍.രാജേഷ്, പ്രോഗ്രാം കോര്‍ഡിനേറ്റര്‍ ഡി.സജിരാജ്, ബിജെപി പഞ്ചായത്ത് കമ്മിറ്റി പ്രസിഡന്റ് പ്രബിത നന്ദകുമാര്‍, വി.സി. ഷാജി, പി.ജി. രതീഷ്, ധന്യ സജിരാജ്, ജമീല ടീച്ചര്‍ എന്നിവര്‍ ചടങ്ങിന് നേതൃത്വം നല്‍കി.
പ്രതികരിക്കാൻ ഇവിടെ എഴുതുക: