തിരുവനന്തപുരം: സംസ്ഥാന പാതയില്‍ വാമനപുരത്ത് മുഖ്യമന്ത്രിയുടെ വാഹന വ്യൂഹം അപകടത്തില്‍പെട്ടു. ആര്‍ക്കും പരിക്കില്ല .കോട്ടയത്ത് നിന്നും തിരുവനന്തപുരത്തേയ്‌ക്ക് വരികയായിരുന്നു മുഖ്യമന്ത്രിയും സംഘവും .തിങ്കളാഴ്ച വൈകുന്നേരം 6.20 മണിയോടെയായിരുന്നു അപകടം .
റോഡിന് കുറുകെ ഓടിച്ച് വന്ന സ്‌കൂട്ടര്‍ യാത്രക്കാരിയെ രക്ഷിക്കാനുള്ള ശ്രമത്തിനിടെയായിരുന്നു അപകടം .മുഖ്യമന്ത്രിയുടെ പൈലറ്റ് വാഹനം സ്‌കൂട്ടര്‍ യാത്രക്കാരിയെ രക്ഷിക്കുന്നതിന് പെട്ടെന്ന് ബ്രെയ്‌ക്ക് ചെയ്തതിനെ തുടര്‍ന്നാണ് കൂട്ടിയിടി നടന്നത് .പിന്നില്‍ സഞ്ചരിച്ചിരുന്ന മുഖ്യമന്ത്രിയുടെ വാഹനം മുന്നിലെ വാഹനത്തിലും തുടര്‍ന്ന് പിന്നിലെ വാഹനങ്ങള്‍ ഒന്നൊന്നായി പരസ്പരം കൂട്ടിയിടിക്കുകയായിരുന്നു .
അഞ്ചു വാഹനങ്ങള്‍ പരസ്പരം കൂട്ടിയിടിച്ചു. മുഖ്യമന്ത്രിയുടെ വാഹനത്തിന് പുറമെ ഒരു കമാന്‍ഡോ വാഹനം, രണ്ട് പൊലീസ് വാഹനം, ഒരു ആംബുലന്‍സ് എന്നിവയാണ് ഒന്നിന് പിന്നാലെ ഒന്നായി കൂട്ടിയിടിച്ചത്. മുഖ്യമന്ത്രിയുടെ വാഹനത്തിലും പിന്നിലെ വാഹനം തട്ടി. മുഖ്യമന്ത്രി സഞ്ചരിച്ച വാഹനം സംഭവ സ്ഥലത്ത് കുറച്ച്് സമയം നിര്‍ത്തിയിട്ട ശേഷം യാത്ര തുടര്‍ന്നു . മറ്റ് നാല് വാഹനങ്ങളും സംഭവ സ്ഥലത്ത് ഏറെ സമയം നിര്‍ത്തിയിട്ട ശേഷം സംഭവസ്ഥലത്ത് നിന്നും മാറ്റി.
പ്രതികരിക്കാൻ ഇവിടെ എഴുതുക: