ഇന്ത്യൻ ക്രിക്കറ്റ് താരം ഇഷാൻ കിഷന്റെ അഛൻ പ്രണവ് പാണ്ഡെ ജെഡിയുവിൽ ചേർന്നു ; നിതീഷ് കുമാറിനായി പ്രവർത്തിക്കുമെന്ന് പാണ്ഡെ

പട്‌ന: ഇന്ത്യൻ ക്രിക്കറ്റ് താരം ഇഷാൻ കിഷന്റെ അഛൻ പ്രണവ് കുമാർ പാണ്ഡെ ഞായറാഴ്ച ബിഹാർ മുഖ്യമന്ത്രി നിതീഷ് കുമാറിന്റെ ജെഡിയുവിൽ ചേർന്നു. ജെഡിയു ദേശീയ വർക്കിംഗ് പ്രസിഡൻ്റ് സഞ്ജയ് കുമാർ ഝാ, പാർട്ടിയുടെ സംസ്ഥാന ഘടകം മേധാവി ഉമേഷ് സിംഗ് കുശ്വാഹ എന്നിവരുൾപ്പെടെ നിരവധി ഉന്നത നേതാക്കളുടെ സാന്നിധ്യത്തിലാണ് പാണ്ഡെ പാർട്ടിയിൽ ചേർന്നത്.

പാർട്ടിയിൽ മടങ്ങിയെത്തിയതിൽ തനിക്ക് സന്തോഷമുണ്ട്. തങ്ങളുടെ നേതാവ് നിതീഷ് കുമാർ എനിക്ക് എന്നും പ്രചോദനമാണെന്ന് പാണ്ഡെ പറഞ്ഞു. കൂടാതെ അദ്ദേഹത്തിന്റെ നിർദ്ദേശപ്രകാരം പാർട്ടിയെ ശക്തിപ്പെടുത്തുകയും ചെയ്യും.

ഒരിക്കലും പാർട്ടി വിട്ടിട്ടില്ലെന്നും തന്റെ മകനെ രാജ്യാന്തര ക്രിക്കറ്ററാക്കാനാണ് ഇടവേള എടുത്തതെന്നും അദ്ദേഹം വ്യക്തമാക്കി. കൂടാതെ തന്റെ മകൻ ഇഷാൻ രാജ്യത്തിന് വേണ്ടി കളിക്കുകയും രാജ്യാന്തര ക്രിക്കറ്റ് മത്സരങ്ങളിൽ മികച്ച പ്രകടനം നടത്തുകയും ചെയ്യുന്നുവെന്നും പാണ്ഡെ കൂട്ടിച്ചർത്തു.