തിരുവനന്തപുരം: ക്രിസ്തുമസ് പുതുവര്ഷാഘോഷങ്ങളുടെ ഭാഗമായി ഈഞ്ചക്കലില് പുതിയതായി ആരംഭിച്ച എസ്പി മെഡിഫോര്ട്ടിലെ മീല്സ് ഫസ്റ്റ് റെസ്റ്റോറന്റിന്റെ ആഭിമുഖ്യത്തില് കേക്ക് മിക്സിംഗ് ചടങ്ങ് സംഘടിപ്പിച്ചു. കുട്ടികളും ഹോസ്പിറ്റല് ജീവനക്കാരും അടക്കം 200 പേര് ചടങ്ങില് പങ്കെടുത്തു.
എക്സിക്യുട്ടീവ് ഷെഫ് സുരേഷ് കെ.യുടെ നേതൃത്വത്തിലാണ് പരമ്പരാഗത ക്രിസ്മസ് പ്ലംകേക്കിനുള്ള കൂട്ടുകള് തയാറാക്കിയത്. മൂന്നു മാസം മുന്നേ തന്നെ ഇതിന്റെ ഒരുക്കങ്ങള് ആരംഭിച്ചതായി എസ്പി മെഡിഫോര്ട്ട് ചെയര്മാന് എസ്.പി. അശോകന് പറഞ്ഞു. ഇതാദ്യമായാണ് ഒരു ഹോസ്പിറ്റല് ഇത്തരത്തില് ഒരു ചടങ്ങ് സംഘടിപ്പിക്കുന്നതെന്ന് ജോയിന്റ് ചെയര്മാന് എസ്.പി. സുബ്രഹ്മണ്യന് പറഞ്ഞു.
എല്ലാവര്ക്കും പ്രവേശനമുള്ള അതിവിശാലമായ റെസ്റ്റോറന്റ് സൗകര്യമാണ് എസ്പി മെഡിഫോര്ട്ടില് ഒരുക്കിയിട്ടുളളത്. വിവിധ വിഭവങ്ങള് ആസ്വദിക്കാന് സാധാരണക്കാര്ക്കും റെസ്റ്റോറന്റ് സൗകര്യം ഉപയോഗിക്കാന് കഴിയും. രാവിലെ 6 മുതല് രാത്രി 10 മണി വരെയാണ് പൊതുജനങ്ങള്ക്ക് ഇവിടെ ഭക്ഷണം ലഭ്യമാകുക. എസ്പി മെഡിഫോര്ട്ട് എക്സിക്യൂട്ടീവ് ഡയറക്ടര്മാരായ ഡോ. ആദിത്യ, അദൈ്വത് എ. ബാല എന്നിവരും ചടങ്ങില് പങ്കെടുത്തു.
